Nodi Khoje Hatimare Mae Jiu 5:8 - Buka Blahi Ka Cheke Holo

⁸ Lord, nogu naoka iara gre thono kmana fara. Eghume iara magnahaghei nigho iagho te bara fothi ghau ka mae iheire te magnahaghei mei goigoni ghau iara igre. Batudi ghahegu gre mala leghuni iara u puhimu iagho te doglo na. Falalase ranghi ghau u nabrou te magnahaghei iagho te mala leghuni iara na.

Nodi Khoje Hatimare Mae Jiu 5:8 ပူးပေါင်းရင်းမြစ်များ

Nodi Khoje Hatimare Mae Jiu 27:11

Lord, farirhiu ghau puhimu iagho na eghuteuna iara ginauna na leghu nigho iagho. Bara fothi ghau, naugna nogu naoka iara gre kmana fara.

Nodi Khoje Hatimare Mae Jiu 119:10

Ka nagnafagu fateote'o na, iara magnahagheni te mala leghu nigho na, togho ghau iara sagho mala leghudi iara nou cheke iagho re.

Nodi Khoje Hatimare Mae Jiu 86:11

Lord God, farirhiu mei ghau glepo te magnahaghedi iagho te mala edi iara re, mala leghudi iara thofno chekemu iagho re. Uve, togho ghau iara sagho mala thofno keli tagu iara te mala ghatho tahu nigho na.

Proveb 4:25

Iagho filo fadoglo ka nabrou te tei iagho na, thosei filo tafri.

Nodi Khoje Hatimare Mae Jiu 119:64

Lord God, nou namha iagho ranghidi naikno te gnafa ka nauthoglu igne na thono biꞌo fara. Eghume, farirhiu ghau iara sagho nou vetulare.

Matiu 3:3

Mae profet Isaia neke kulu cheke eghu eigna mae Jone, “Kaisei mae na poapola fabiꞌo ke lamnagna namono nagou na, na cheke eghu, ‘Tarabana nabrou gna Lord, eꞌei fakeli nabrou mala tei gna mana.’ ”

Nodi Khoje Hatimare Mae Jiu 59:10

Nogu God, iagho namha ghau iara fara, eghuteuna iagho ginauna na mei mala togho ghau iara. God iagho ginauna snakre ghau iara mala filodi nogu naokare te ari te theo nafudi kolho are.

Nodi Khoje Hatimare Mae Jiu 31:1

Lord, iara mei ka iagho mala reireghi ghau iagho. Thosei snakredi nogu naokare mala mei tapla soru ghau iara. Lord, puhimu iagho na thofno keli fara. Iara tore nigho iagho mala fakarha ghau.

Hibru 12:13

Tei fabrahu ka nabrou te doglo glahula keha naikno ka khiloau gne theome nheta ka nodi fatutuani na, mare ginauna heta nei theome snivi ka nogna nabrou God na.

Nodi Khoje Hatimare Mae Jiu 54:5

God na tangomana te goigonidi nogu naoka iara re. Puhi te diꞌa teke edi mare ka iara re, mana tangomana teke eni fafigri ka mare puhi te diꞌa tuana. God, thosei tei koko ghau, nu iagho tangomana te fahuidi naoka igre!

Fapea Samuel 12:14

Nu puhimu iagho te diꞌa igne naoka ranghini Lord nei theome ghatho tahuni mana. Naugna igne thumu iagho te karha ka Batseba igne ginauna lehe.”

Nodi Khoje Hatimare Mae Jiu 138:2

Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.

Profet Jona 2:5

Iara koꞌu thongna ghilei namo lehe. Thongna namo faknoho ghau iara, eghuteuna phaꞌugu na firi ka buru.