Nodi Khoje Hatimare Mae Jiu 5:7 - Buka Blahi Ka Cheke Holo

⁷ Naugna ka nou namha biꞌo iagho ranghi ghau iara, iara nabagu te tei ruma ka Sugamu iagho te blahi na. Iara ginauna na tei ka sugamu iagho te blahi tuana mala tufru soru nigho nei tarai eghu.

Nodi Khoje Hatimare Mae Jiu 5:7 ပူးပေါင်းရင်းမြစ်များ

Nodi Khoje Hatimare Mae Jiu 138:2

Iara pogho soru nigho mala cheke fakelini nanghamu na ka sugamu te blahi igne, naugna iagho ne namha ghau iara nei theome ghatho ihoni nou nhaꞌa cheke na. Iagho neke togho ghami ghehati mala laseni nanghamu na nei chekemu eghu te nolaghi fara te salaꞌudi thua nafnotu fateote'o.

Nodi Khoje Hatimare Mae Jiu 132:7

Eghuteuna ghehati ne cheke eghu, “Tahati na atha ari Bokis Blahi igne ka nogna Sugablahi Lord ia. Tahati mala pogho soruni mana ka vido aheva te gnokro teu mana ka nogna sape nafnakno.

Nodi Khoje Hatimare Mae Jiu 69:13

Nu Lord God, iagho nogu God iara, gognaro na iara tore koba ka iagho. Cheke tughu mei ranghi ghau ka vido te vahini iagho na. Leuleghu fata na iagho namha ghau iara fara, eghuteuna iagho tajini nou nhaꞌa cheke te mala fakarhi ghau iara, eghume iagho cheke tughu mei ranghi ghau iara.

Hibru 4:16

Naugna igne tahati thosei mhaghu te mei ka God Kmada mae ihei te kokhoni ghita. Mana ginauna na kokhoni ghita nei lolokeli ghita, eghuteuna mana ginauna na tusu meini nogna namha te mala togho ghita ka vido te magnahaghei tothogho na.

Profet Isaia 55:7

Ghotilo iheire te leghudi puhi te diꞌa ra, ghotilo koko puhi te diꞌa tuare. Ghotilo koko gaoghatho te diꞌa tuara mala ke pulo mei ka Lord noda God, mala kokhoni ghami nei hata fadeleidi nakhibomi ghotilore eghu mana.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Ululahu Kings 8:38

Jame te eghu na, iagho fanomho mei ka nodi tharai nou naikno iagho te au Israel igre. Lord iagho ngala te laseni unha te au ka thiꞌagna naikno na. Kehare theome gleale'a ka nagnafadire, eghuteuna mare tarai ari ka Sugablahi igne. Mare ngafa haghe khamedire na tarai ari ka iagho, neuba iagho ne au neu kligna, fanomho mei ka nodi tharai gre. Naugna iagho laseni unha te au ka thiꞌagna naikno na, iagho tangomana te fadoglini unha teke edi mare na.

Profet Isaia 64:11

Nou Sugablahi iagho igne neke blahi fara nei famane fara neku. Ku'emi ghehati tifa ra neke mei tufru soru nigho ke lamnagna. Nu gognarona khaꞌaghi la goigonihi. Eghuteuna nomi famane glepo te gnafa ghehati ra la thofno diꞌa fara.

Nodi Khoje Hatimare Mae Jiu 69:16

Lord God, eigna iagho namha ghau iara fara, cheke tughu mei ranghi ghau. Iagho kokhoni ni fara naikno na, eghume iagho filo mei ghau iara.

Nodi Khoje Hatimare Mae Jiu 55:16

Nu iara ginauna kiloni nogu God na mala mei togho ghau, nei mala mei fakarhi ghau eghu.

Nodi Khoje Hatimare Mae Jiu 52:8

Nu iara gne theome eghu jare. God na reireghini nakarhagu iara na gne jateula gaju oliv te au rhegna sugagna God na ia eghu. Iara fatutuani ni God eigna mana kokhoni ghau iara fabrahu tifa tifa.

Nodi Khoje Hatimare Mae Jiu 51:1

God, kokhoni ghau iara, eigna nou namha nei nou lolokeli teu iagho ranghidi naiknore thofno biꞌo fara. Hata fadeleidi sagho puhigu iara te diꞌa gre.

Nodi Khoje Hatimare Mae Jiu 28:2

Fanomho mei sagho ka nogu tharai iara gre. Iara tanhi ka iagho mala togho mei ghau iara. Iara filo lao ka sugamu iagho te blahi na nei ngafa haghe khamegure ne tarai.

Ululahu Kings 8:35

“Glahu te theome nakhete naugna nou naikno iagho gre tapla jafra ka nakhibo ranghi nigho iagho. Nu mare na tarai mei ka Sugablahi igne, mala cheke fakelini nanghamu iagho na. Eghuteuna mare na tughu nagnafa nei koko nakhibo eghu naugna iagho neke paradi mare.

Nodi Khoje Hatimare Mae Jiu 130:4

Nu atha kokodi sagho nakhibomi ghehati gre mala tangomana ghehati te ghatho tahu nigho nei tufru soru nigho teuna.

Nodi Khoje Hatimare Mae Jiu 34:17

Kate tarai nogna naiknore mala toghodi teuna, Lord ginau na toghodi nei hata fajifladi eghu ka hoholo.

Nodi Khoje Hatimare Mae Jiu 101:7

Naikno te lase cheke chaichaghi na, iara na theome snakreni te ruma mei ka nogu suga na. Naikno te cheke chaichaghi na, iara na jaola theome snakreni te au balugu iara na. Thono theo fara.

Proveb 6:16

Lord theome magnahaghedi naiknore te edi fitu puhi igre: puhi fahaehaghe, puhi chaichaghi, puhi falehe naikno, puhi gaoghatho mala eni puhi te diꞌa na, puhi te tapla jafra ka nakhibo, puhi te cheke chaichaghi ka fate, nei puhi faripholai.