Nodi Khoje Hatimare Mae Jiu 5:3 - Buka Blahi Ka Cheke Holo

³ Hamerane na iagho nomhini naoglagu iara na. Lord, kate phagegna naprai na, iara mei tarai ke ulumu iagho, eghuteuna iara ofoni gho mala cheke tughudi nogu tharai gre.

Nodi Khoje Hatimare Mae Jiu 5:3 ပူးပေါင်းရင်းမြစ်များ

Nodi Khoje Hatimare Mae Jiu 119:147

Ame haghe nga naprai na teuna, iara kilo nigho mala mei fakarhi ghau. Leuleghu fata na iara fatutuanidi fabrahu nou cheke iagho te tutuanire.

Nodi Khoje Hatimare Mae Jiu 88:13

Lord God, neubane eghu ngau, leuleghu hamerane na iara tarai ari koba ka iagho, eghuteuna iara tanhi ari ka iagho mala togho mei ghau.

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Nodi Khoje Hatimare Mae Jiu 130:6

Iara ofoniu nogu Lord, eigna iara magnahaghei fara te filoni mana te mala togho ghau ke tulao gnai mae ihei te dofra bongiro te magnahaghei te ghosei te phage naprai na ia eghu.

Nodi Khoje Hatimare Mae Jiu 55:17

Fei hamerane nei fei naublatha nei fei grafi teuna iara tanhi ka mana eidi puhi te fadiꞌa ghau re. Eghuteuna mana ginauna na nomhidi nogu tharai iara re.

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Nodi Khoje Hatimare Mae Jiu 69:16

Lord God, eigna iagho namha ghau iara fara, cheke tughu mei ranghi ghau. Iagho kokhoni ni fara naikno na, eghume iagho filo mei ghau iara.

Nodi Khoje Hatimare Mae Jiu 22:2

Nogu God, bongi narane na iara theome gnafa te kilo nigho na, nu iagho theome fameomegoni nagnafagu gne.

Thoutonu Eigna Mae Job 34:28

Leuleghu fata na mare neke goigonidi fara naikno te kuma re. Eghuteuna naikno te kuma igre tanhi ka God. God nomhidi iheire te au kokhonidi, ne toghodi.

Nodi Khoje Hatimare Mae Jiu 44:5

Uve, ka nou nolaghi nei ka khamemu eghu iagho te tapla sorudi ghehati nomi naoka gre.

Nodi Khoje Hatimare Mae Jiu 74:12

God, neubane eghu ngau, iagho funu tifa te mei na neke nomi king ngala ghehati, kmana fata iagho neke fakarhi ghami ghehati.

Nodi Khoje Hatimare Mae Jiu 84:4

Iheire ngala te au ka sugamu iagho na, mare ngala te keli tadi fara na, eghuteuna leuleghu fata na mare cheke fakeli nigho iagho ka khoje.

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Lamentations 3:56

“Lord! Fanomho mei ka iara, thosei fofotho khulimu na kate tanhi ari iara ka iagho na!”