Nodi Khoje Hatimare Mae Jiu 5:11 - Buka Blahi Ka Cheke Holo

¹¹ Nu naikno te fatutuani nigho iagho re ngala te glealeꞌa fabrahu na. Mare ginauna na glealeꞌa balu koje nei kilo fnaknoni eghu nanghamu iagho na. Reireghidi nei fakarhidi eghu.

Nodi Khoje Hatimare Mae Jiu 5:11 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Nodi Khoje Hatimare Mae Jiu 68:3

Nu ghotilo naikno te keli ra keli tami nei glealeꞌa eghu ke ulugna God, ghotilo glealeꞌa balu eha fabiꞌo.

Nodi Khoje Hatimare Mae Jiu 40:16

Nu iheire te mei ka iagho re mare keli tadi fara te cheke fakeli nigho na naugna iagho neke fakarhadi mare. Eghuteuna mare keli tadi fara ka gloku te eni iagho ka mare na, naugna iagho teke fakarhadi teuna, mare na te cheke eghu na, “Lord na thofno mae keli fara!”

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Ululahu Korin 2:9

Nu grioriso te blahi na cheke eghu, “Unha God teke kulu tarabana maladi naikno te namhani mana re, theo kaisei naikno te filoni ba nomhini na. Theo kaisei naikno teke ghathoni unha nate thoke mei ginauna.”

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 69:36

Naikno nate karha mei ka nogna naikno mana re ginauna na ke atha kasa glose igne, eghuteuna iheire te namhani God igre mare ginauna nate au ka vido tuana.

Nodi Khoje Hatimare Mae Jiu 65:13

Uve, thogele gre fodu ka sipu nei nagare te au ka sare te gnafa ne kafe fodu ka gano. Eghuteuna gobigna lepo te au ka vido te gnafare kafe koje, naugna ne kelitadi fara.

Nodi Khoje Hatimare Mae Jiu 35:27

Nu naiknore magnahaghe nigho iagho te cheke thakleni ne mae keli iara teuna, mare na glealeꞌa na eha eghu fabiꞌo fabrahu, “Lord na kaisei mae biꞌo fara! Mana kelitagna fara kate filoni te ulu nogna mae gloku na.”

Nodi Khoje Hatimare Mae Jiu 58:10

Naikno te keli re ginauna keli tadi kate filoni mare te paradi iagho naikno te diꞌa re. Mare ginauna na keli tadi fara kate filoni mare te falehe fahuidi iagho re.

Jajis 5:31

“Lord God, snakredi nou naoka iagho re mala lehe jateula Sisera eghu! Nu snakredi iheire te namha nigho iagho igre mala phae jateula naprai te haghe hamerane ia eghu!” Eghume naiknodi Israel igre na au ka pharikeli nabagna phiatutu finogha.