Nodi Khoje Hatimare Mae Jiu 49:17 - Buka Blahi Ka Cheke Holo

¹⁷ Uve, kate lehe na mana theome tangomana te atha te tei balugna nogna glepo te kelire. Tutuani, mana jaola theome tangomana te atha te tei balugna glepo tuare lamna beku na.

Nodi Khoje Hatimare Mae Jiu 49:17 ပူးပေါင်းရင်းမြစ်များ

Ululahu Timoti 6:7

Kate karha meida na tahati neke theome hata mei baluda kaisei glepo keli ka nauthoglu gne. Eghuteuna ka gleheda na ginauna tahati jaola theome tangomana te hata fajifla kaisei glepo keli ka nauthoglu igne.

Thoutonu Eigna Mae Job 27:19

Kaisei narane, mae te diꞌa igne dedei kate tei thuru na, nu kate dofra haghe hamerane na, nogna dedei te gnafa mana igre dofidi theome filodi aheva te tei re.

Ululahu Korin 15:43

Thini te giugilui tahati na diꞌa fara filogna na, nu thini te karha fapulo na famane fara filogna na. Thini te giugilui tahati na glaꞌe fara, nu thini te karha fapulo na nheta fara.

Luku 16:24

Mana ne eha eghu ka mae Ebraham, ‘Mama Ebraham! Kokhoni ghau iara! Kuru meini mae Lasaros mala titihi geghesugna na ka khoꞌu mala farifuni glapigu gne. Naugna iara la para ghau fara ke lamnagna khaꞌaghi igne!’

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Profet Isaia 10:3

Unha nate eni ghotilo kate mei Lord te roꞌe ghami na? Kate mei funudi ka kantri delei nomi naoka ghotilo re te magra ka ghotilo na, aheva nate tei poru ghotilo na? Ihei gne nate tei hironi ghotilo te mala mei togho ghami na? Aheva nate tei titifuni ghotilo nomi sileni re?

Profet Isaia 5:14

Beku na thorau foflogna na jateula kaisei nasava te nganga teu foflogna na te mala tomno soru gano kate rofo fara naia eghu. Eghuteuna neubane naiknore au nafnakno ba theo, mare ginauna tei lamna Beku baludi iheire te au ka namono te eha tafri are.

Eklesiasti 5:15

Kate karha mei ka idoda na, tahati theome hata mei baluda kaisei glepo. Eghuteuna ka gleheda na, tahati ginauna na jaola theome atha tei baluda kaisei glepo. Tutuani, neuba tahati ne loku heta ne hata kmana glepo, nu ka gleheda na, tahati na theome hata tei baluda kaisei glepo.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Thoutonu Eigna Mae Job 1:21

Mana ne cheke eghu, “Kate karha mei ka thiꞌagna idogu na, iara karha soesole, eghuteuna kate lehegu na, iara ginauna jaola nake soesole ke pulo. Lord, iagho neke tusu mei glepo ka iara, eghuteuna gognaro na iagho ke hata fadelei ka iara. Iara cheke fakelini nanghagna Lord.”