Nodi Khoje Hatimare Mae Jiu 49:15 - Buka Blahi Ka Cheke Holo

¹⁵ Nu God ginauna fakarhi ghau iara kau glehe.

Nodi Khoje Hatimare Mae Jiu 49:15 ပူးပေါင်းရင်းမြစ်များ

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Nodi Khoje Hatimare Mae Jiu 56:13

Eigna iagho ne theome snakreni te lehe iara na ne fakarhi ghau iara. Eghume iara mala kaisei thei ngala balumu iagho ka vido aheva te au iagho baludi nou naiknore te phae fabrahu na.

Nodi Khoje Hatimare Mae Jiu 86:13

Nou namha iagho ranghi ghau iara na thono biꞌo fara. Uve, iagho neke fakarhi ghau iara kau glehe.

Nodi Khoje Hatimare Mae Jiu 89:48

Ihei gne nate karha fabrahu te theome lehe na? Tore, theo kaisei naikno nate rikha kokoni u glehe na.

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Jenesis 5:24

Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Mae Khuru 7:59

Kate fada thina ni mare na, mae Stivin ne tarai, “Lord Jisas, hata tharungagu gne!”

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Luku 23:46

Ka vido tuana, mae Jisas ne eha eghu fabiꞌo, “Mama, iara snakre ari ka iagho tharungagu na.” Ke leghugna igne mana ne lehe.

Nodi Khoje Hatimare Mae Jiu 31:5

Lord, iara nou naikno gloku gne. Iara lisa ari nakarhagu na ka khamemu iagho. Iara laseni eigna iagho ginauna na fakarhi ghau iara, naugna iagho ne taji fabrahu ghau iara.

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”