Nodi Khoje Hatimare Mae Jiu 49:14 - Buka Blahi Ka Cheke Holo

¹⁴ Eghume, God vahini mana mala lehe jateula sipu eghu, naugna u glehe na ngala te hironi mana na. Ihei te au doglo na ginau keli tagna kate ghosei te boto thinigna na ke lamna beku, te khaba ka nogna famane suga na.

Nodi Khoje Hatimare Mae Jiu 49:14 ပူးပေါင်းရင်းမြစ်များ

Profet Malakai 4:3

Ka narane tuana, ghotilo na tapla ke klignadi naikno te diꞌa igre, naugna mare ginauna na jateula nakrofu khaꞌaghira eghu kolho.” Igne unha te chekeni Lord mae ihei te au nolaghi fateoteꞌo.

Ululahu Korin 6:2

Eigna ghotilo lasenihi ginauna naikno khiloau gre tangomana te fatedi naikno te gnafa ka nauthoglu gne. Eghume jame te nabami ghotilo te fateni naiknogna nauthoglu igne na ghotilo jaola tangomana fara te fadoglidi farihoteimi themi puhi te ikodi tuare.

Profet Daniel 7:22

Nu God mae ihei te au fabrahu funu tifa igne ne fateni hona ikoi igne ne cheke thakleni, hona igne la eni kaisei najafra biꞌo ranghidi nogna naikno God te au kligna. Eghuteuna God mae ihei te fnakno igne ginauna tusu lao nolaghi ka nogna naiknore mala funei fruni jateula king eghu.

Thoutonu Eigna Mae Job 30:23

“Tutuani, iara laseni iagho ginauna snakre ghau iara ka glehe, eghuteuna kuru tei ghau ke lamna beku, ka namono teke vavahi maladi iheire te karha teu igre, nu mae igre ginauna na lehe hui.

Letas Teke Riso Tei Mae Pol Ka Khiloau Rom 8:36

Te chekeni kau grioriso te blahi na glepo igre tangomana te thoke ghita tahati, ne cheke eghu, “Naugna ghehati nou iagho, naiknore magnahaghei te falehe ghami ngala leuleghu narane, te ghathoni mare na ghehati gne jateula sipu te mala falelehe ra eghu kolho.”

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Profet Daniel 7:18

Nu ke leghugna igne, nogna naikno God igre ginauna funei frunini nauthoglu igne tifa tifa.’

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Profet Jeremaea 12:3

Nu iagho Lord, iagho lase fakeli ghau iara. Eghuteuna iagho filodihi nogu gloku iara re, nei puhigu iara te ghatho tahu nigho iagho gre eghu. Atha fadelei naikno te diꞌa igre mala falelehe, jateula mae te atha fadelei sipu te mala falelehe te ghamu ra eghu. Iagho tajidiu ghilei thoke mei nodi narane te mala lehe na.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Nodi Khoje Hatimare Mae Jiu 47:3

Mana togho ghita mala tapla sorudi naikno di keha vido gre, eghuteuna togho ghita mala funei frunidi tahati keha kantri are.

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Nodi Khoje Hatimare Mae Jiu 9:17

Naikno te diꞌa te figri tagruni God teu are ginauna tei ka namonodi naikno tela lehehira mala luvu fabrahu kolho jare.

Thoutonu Eigna Mae Job 21:26

Nu mare te gnafa na ginauna kafe lehe, eghuteuna thinidi re mala kafe tei ka glose. Siosilo ginauna fodu ka thinidi re.

Thoutonu Eigna Mae Job 21:13

Naiknore glealeꞌa nodi kolho, eghuteuna mare theome diꞌanagnafa kate soru ka beku na.

Thoutonu Eigna Mae Job 4:21

Naikno na jateula suga tapuale te krutha gnarhogna na te grofo pari, te fiti lehe kolho ka naꞌiho na.”