Nodi Khoje Hatimare Mae Jiu 49:11 - Buka Blahi Ka Cheke Holo

^11-12 Neubane khotodi mana namhata nei glose teugre, beku na ngala namonogna mana te mala au fabrahu mana te tifa te tifa na. Neubane fnakno mana nanghagna na, tuana theome mala fanograni mana kau glehe. Theo. Mana ginauna lehe jateula bosu eghu kolho.

Nodi Khoje Hatimare Mae Jiu 49:11 ပူးပေါင်းရင်းမြစ်များ

Jenesis 4:17

Mae Kein ghe khetogna ne au kaisei thudi nalhaꞌu, nanghagna na mae Enok. Mae Kein ne hohoro kaisei namono ne fangangha ka mae thugna na.

Nodi Khoje Hatimare Mae Jiu 64:6

Mare neke fagroghei ne ke edi keha puhi te diꞌa, ne cheke eghu, “U gaoghatho te eni tahati igne thofno keli fara. Ginauna na theo kaisei naikno nate laseni na puhi igne!” Tutuani fara, tahati theome tangomana te laseni unha te poru teu ka gaoghathogna nei thiꞌagna teu naikno na.

Nodi Khoje Hatimare Mae Jiu 5:9

God, nogu naoka iara gre nodi chekere theome tutuani kolho. Unha te ghathoni mare na mala goigonidi keha naiknore kolho. Nodi chekere famane mamahe fara jateula suka eghu. Nu thiꞌadire fodu ka saosagro nei falehe naikno eghu.

Profet Esikiel 38:10

“Lord God neke cheke eghu: Kate thoke mei narane tuana, kaisei gaoghatho te diꞌa ginauna mei ka iagho, eghuteuna iagho ginauna na eni kaisei gaoghatho te thono diꞌa fara.

Nodi Khoje Hatimare Mae Jiu 10:6

Aonu mana ne funu cheke eghu, “Iara ginauna kegra hetau, theome tangomana kaisei puhi nate thoke ghau iara ginauna.”

Fapea Samuel 18:18

Tifa, kani karha teku na, mae Absalom neke lilisei haghe kaisei thina brahu mala tuthuana gna ka nogna glogu king. Mana neke eni igne, naugna mana theo kaisei thugna te karha teu te mala ke tughuni nangha gna na. Naugna igne, mana ne nhaꞌa soru nanghagna na ka thina igne. Funu ka narane igne te mei posa gognarona mare kiloi thina igne, “Nogna thina mae Absalom.”

Mae Khuru 8:22

Eghume, kulu tughu nagnafa ghu sagho! Koko puhi diꞌa te edi iagho are. Eghuteuna tarai ka Lord. Mana jame tangomana te hata fadelei gaoghatho te diꞌa tuana ka iagho.

Luku 11:39

Mae Jisas ne cheke eghu ka mana, “Ghotilo mae Farasi gre nanga nomini kolho te mala fagagae ke kosidi kapu nei tapera teu gre. Nu ke lamnadi nagnafamire, ghotilo fodu ka mamagna nei gaoghatho te diꞌa.

Ululahu Samuel 15:12

Hamerane boibongi, mae Samuel kegra haghe ne tei hironi mae Sol. Nu mana nomhini tela teihi mana ka namono Kamel, eghuteuna mana ne lisei haghe kaisei thina fagaglana gna te uluni mana u magra na. Eghuteuna gnafa teuna mana jifla jare ne tei Gilgal.

Diutronomi 3:14

Eghuteuna mae Jaea kaisei mae ka vikegna mae Manase, mana neke hata glose ka nohi thongana Agob ka rijon Basan te tei posa ka fofotagna namonodi naiknodi Gesua nei naiknodi ke mosu Maka. Eghuteuna mae Jaea ne fangangha rijon igne ka thegna ne kiloni Havot-Jaea. Nangha igne au ngala posa gognarogne.

Nodi Khoje Hatimare Mae Jiu 39:7

“Eghume, Lord, unha gne te ofoni nei rouronuni teu iara na? Iagho ngala te ofoni nei rouronuni teu iara gognaro na.

Eklesiasti 2:14

Mae ihei te au tagna gaoghatho te keli na, mana filo glani ne leghuni naphae na. Nu mae ihei te fameomekro na, mana leghuni kolho nabrou te romno na. Nu neuba, te laseni iara na, glehe na ginauna kafe thokedi phei mae igre.

Eklesiasti 2:21

Naikno na loku heta ka nogna glalase nei ka nogna gaoghatho, nu kate lehe na, mana lisei lao gobigna lepo igre ka mae ihei teke theome loku heta tagna na. Puhi igne theome doglo, nei theo nafugna eghu ka gaoghathogu iara na.