Nodi Khoje Hatimare Mae Jiu 49:10 - Buka Blahi Ka Cheke Holo

¹⁰ Uve, te laseni tahati na mae te lalase na, mana na lehela jateula mae te theome lalase nei mae te fameomekro teugre eghu. Mana ginauna lisei faleghu nogna silenire eghuteuna keha naiknoi na teke khotodire.

Nodi Khoje Hatimare Mae Jiu 49:10 ပူးပေါင်းရင်းမြစ်များ

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Profet Jeremaea 10:8

Naiknore fameomekro nei theome lalase eghu. Mare theome tangomana te athini kaisei glalase ka mumuju teke hohoro ka gaju na.

Proveb 30:2

Mana ne cheke eghu: “Iara theome jateula keha naikno are eghu, naugna iara theo kaisei glalase te keli ka phaꞌugu na.

Nodi Khoje Hatimare Mae Jiu 94:8

Ghotilo naikno te diꞌara thono meomekro fara! Ba! Niha fata fameomekro fabrahu si ghotilo ia?

Nodi Khoje Hatimare Mae Jiu 73:22

Tifa na, iara neke thono fagoigoli fara jateula glepo te tautagu te theome lalasera neku neke theome ghatho nigho.

Nodi Khoje Hatimare Mae Jiu 49:17

Uve, kate lehe na mana theome tangomana te atha te tei balugna nogna glepo te kelire. Tutuani, mana jaola theome tangomana te atha te tei balugna glepo tuare lamna beku na.

Profet Jeremaea 17:11

Ihei te atha sileni ka puhi te theome doglo na, mana jateula nanghaji te blau nakredi ka keha nanghaji na te lilisei ka nogna gnoku thegna na ra eghu. Nogna dedei mana igre ginauna hui kate mae majaghani teu mana na. Eghuteuna leghulahugna mae igne ginauna laseni te nogna gaoghatho naikno na thono fameomekro fara kolho.

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 11:4

Kate fateni Lord naikno na, sileni na theo nafugna na theome toghoni mana. Nu puhi te doglo na tangomana te fakarhini naikno na.

Nodi Khoje Hatimare Mae Jiu 17:14

God, fakarhi ghau ka khamedi mae iheire te ghathodi kolho nakarhagna nauthoglu igne. Paradi fara sagho eidi unha glepo te diꞌa teke edi mare ra. Fapuhidi thudi mare gognaro gre nei gradi mare nate karha mei thogheiro.

Nodi Khoje Hatimare Mae Jiu 89:49

Lord, aheva gne nou namha biꞌo iagho ranghi ghami ghehati gognaro na, jateula teke fakakhana iagho ka ghehati tifa ia teuna? Lord, aheva gne nou nhaꞌa cheke iagho teke edi ka mae Devet ra?

Proveb 14:24

Te lalase iagho na, iagho ginauna dedei. Nu te fameomekro iagho na, naiknore ginauna laseni te fameomekro.