Nodi Khoje Hatimare Mae Jiu 48:10 - Buka Blahi Ka Cheke Holo

¹⁰ Naikno ka namono te gnafa igre cheke fakeli nigho, eghuteuna nanghamu iagho na tei tongana heva heva ka nauthoglu igne. Iagho funei frunidi naiknore ka puhi te doglo.

Nodi Khoje Hatimare Mae Jiu 48:10 ပူးပေါင်းရင်းမြစ်များ

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Nodi Khoje Hatimare Mae Jiu 113:3

Tahati hui mala kilo fnaknoni nanghagna Lord funu ke maghati tei posa ke mosu.

Diutronomi 28:58

“Nanghagna Lord nomi God ghotilo na thono haghe fara, eghuteuna ghotilo mala ghatho tahuni mana. Eghume jame te theome ghatho tahuni nei theome leghudi teu ghotilo nogna cheke mana tela riorisohi iara ka Buka gna vetula na igre,

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Nodi Khoje Hatimare Mae Jiu 145:17

Gobigna lepo te edi Lord gre thofno doglo fara, eghuteuna gobigna lepo te edi mana re falalase ranghi ghita te mae keli fara mana ka tahati na.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Nodi Khoje Hatimare Mae Jiu 45:7

Iagho magnahaghedi fara glepo te keli re, nu iagho theome magnahaghedi glepo te diꞌa re. Naugna igne nou God iagho na neke vahi nigho hi, eghuteuna keha mae king re theome glealeꞌa jateula iagho eghu.

Nodi Khoje Hatimare Mae Jiu 11:7

Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.

Ululahu Kronikols 16:14

Lord na noda God tahati. Eghuteuna cheke te rheta teke chekedi mana ra, maladi naikno te gnafa ka nauthoglu igne.