Nodi Khoje Hatimare Mae Jiu 48:1 - Buka Blahi Ka Cheke Holo

^1-2 Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Nodi Khoje Hatimare Mae Jiu 48:1 ပူးပေါင်းရင်းမြစ်များ

Profet Maeka 4:1

Ka narane nate mei mana na, thogele te kegra nogna Sugablahi Lord igne, ginauna ulu salaꞌudi gnafa keha thogele are. Eghuteuna naikno te gnafa ka keha kantri are ginauna tangomana te salo fodu mei tagna.

Profet Sekaraea 8:3

“Iara cheke tutuani fara: Iara ginauna nake figri Jerusalem, eghuteuna iara ginauna au ke kligna Thogele Saion. Naiknore ginauna tangomana te cheke eghu na, ‘Namono Jerusalem te ghatho tahuni Lord fabrahuni naiknore igne. Eghuteuna nogna thogele Lord mae ihei te au nolaghi fateote'o igne, ginauna kiloni thogele blahi.’

Nodi Khoje Hatimare Mae Jiu 96:4

Lord na fnakno kligna lahu. Uve, tahati pala hagheni nanghagna mana na. Fnakno kligna lahu ka God fateote'o, nei tahati mala ghatho tahuni mana kolho.

Nodi Khoje Hatimare Mae Jiu 46:4

Jare ka namonogna God, mae ihei te blahi fara na au kaisei khoꞌu biꞌo te mala faglealeꞌadi naikno te tufru soruni mana ka namono tuana.

Nodi Khoje Hatimare Mae Jiu 145:3

Lord na thofno fnakno fara, eghuteuna naikno te gnafa gre mala fafnaknoni mana. Theo kaisei naikno te nabagna te mala laseni nogna nolaghi mana na.

Thakle 21:2

Eghuteuna iara ne filoni kaisei namono blahi funugna ka God ne soru mei. Namono blahi igne Jerusalem majaghani. Namono igne neke kulu tarabanahi jateula kaisei gaꞌase te mala tolaghi te pipichi famane pohe te tarabana teu te mala tei balugna khetogna na te mala tolaghi ia eghu.

Nodi Khoje Hatimare Mae Jiu 87:3

Ghotilo naikno te au ka namonogna God ra, ghotilo fanomho ka famane cheke igre. God na edi gloku te keli ka ghotilo!

Thakle 19:5

Iara ne nomhini kaisei cheke ne mei funugna ka nogna sape nafnakno mae King na, ne cheke eghu, “Ghotilo cheke fakelini noda God, ghotilo te gnafa te au nolaghi ba te theo nolaghi, iheire te loku ranghini mana nei ghatho tahuni mana teuna.”

Matiu 24:15

Mae Jisas ne cheke eghu, “Ghotilo ginauna filoni kaisei mumuju biꞌo te diꞌa fara kegrau jare ka Sugablahi na. Glepo tuana fathonani nogna Sugablahi God na. Mumuju igne neke kulu chekeni mae profet Daniel tifa.”(Iagho mae ihei te iu'ijuni igne jame laseni u gaoghathogna igne.)

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 87:1

Lord neke hohoro nogna namono na ka Thogele blahi Saion.

Nodi Khoje Hatimare Mae Jiu 86:10

Kaisei iagho ngala thofno God na. Uve, kaisei iagho ngala te au nolaghi na, nei kaisei iagho ngala te tangomana te edire glepo te biꞌore.

Nodi Khoje Hatimare Mae Jiu 78:68

Nu mana neke vahini vikegna mae Juda, nei Thogele Saion te thono magnahagheni fara mana na.

Nodi Khoje Hatimare Mae Jiu 65:1

God, ghehati na haghe ka Thogele Saion mala pala hagheni nanghamu iagho na. Eghuteuna ghehati na edi unha teke mala edi teku teke nhaꞌa chekedi ghehati tifa ra.

Nodi Khoje Hatimare Mae Jiu 47:8

God, nogna God mae Ebraham, te gnokro teu ka nogna sape nafnakno na mana funei frunidi naikno te gnafare. Mae lida di keha kantri are ginauna na salofodu mei mala kaisei ngala baluda tahati nogna naikno mana re. Mana au nogna nolaghi te mala tapla sorudi hatimare mae armi, eghuteuna mana ginauna kaisei nodi king naiknore.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Profet Obadaea 1:17

Lord ne cheke eghu, “Keha naikno te au ka Thogele blahi Saion igre ginauna theome lehe ka magra, naugna thogele igne nogu namono iara. Eghuteuna iara ginauna nake tusu fapulo namono igne ka vikegna mae Jekop.

Profet Jeremaea 31:23

Lord mae ihei te au nolaghi fateote'o nei nodi God mae Israel teu igne ne cheke eghu, “Iara magnahaghei teke atha fapulo naiknodi Juda mala ke pulo mei ka nodi namonore mala ke au fakeli. Eghuteuna mare ginauna cheke eghu ranghini Jerusalem: ‘Iagho Thogele Blahi! Snakreni Lord mala fablahi nigho! Iagho nogna namono mae ihei te doglo fara!’

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Nodi Khoje Hatimare Mae Jiu 147:5

Noda Lord na kaisei mae nafnakno nei nolaghi eghu fara, nei theo kaisei naikno te tangomana te fananaba nogna glalase na.

Nodi Khoje Hatimare Mae Jiu 30:1

Lord, iara ginauna cheke fakeli nigho eigna iagho neke hata fapulo ghauhi iara ka glehe. Naugna iagho ne theome snakredi nogu naoka iara gre mala gleale'ani glehegu iara na.

Nehemaea 9:5

Eghuteuna keha tothoghei ka mae Livaet igre na nanghadire mae Jesu, nei mae Kadmiel, nei mae Bani, nei mae Hasabnea, nei mae Serebaea, nei mae Hodaea, nei mae Sebanaea, nei mae Petahaea, mae igre ne eha eghu fabiꞌo, “Tahati kafe kegra haghe cheke fakelini noda Lord God mae ihei te karha fabrahu tifa te tifa!” “God! Ghehati magnahaghei te pala hagheni nanghamu iagho na. Nu nomi glealeꞌa ghehati igne theo nafugna kolho. Nanghamu iagho na biꞌo fara, eghume nomi glealeꞌa ghehati igne theome naba ka tathamu iagho na.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.