Nodi Khoje Hatimare Mae Jiu 47:6 - Buka Blahi Ka Cheke Holo

⁶ Tahati koje! Tahati cheke fakelini God! Mana noda king tahati! Tahati koje kilo fnaknoni mana.

Nodi Khoje Hatimare Mae Jiu 47:6 ပူးပေါင်းရင်းမြစ်များ

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Nodi Khoje Hatimare Mae Jiu 68:4

Tahati koje ranghini God, tahati koje kilo fnaknoni nanghagna mae ihei te gnokro teu ke kligna grokho. Nanghagna na Lord. Tahati glealeꞌa ke ulugna mana.

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.

Nodi Khoje Hatimare Mae Jiu 145:1

Iara ginauna cheke thakleni nanghamu iagho na, naugna iagho ngala nogu God, nei King teu iara na. Iara ginauna na cheke fakeli nigho koba leuleghu fata.

Matiu 27:37

Mare lilisei fagaglana ke kligna pha'ugna mae Jisas ka gaju fafatha na balu fathoro teke edi mare ka mana. Mare ne rioriso cheke igre: “JISAS NODI KING HATIMARE MAE JIU.”

Ululahu Kronikols 16:9

Tahati koje mala kilo fnaknoni mana. Uve, tahati mala chekedi glepo biꞌo teke edi mana re.

Nodi Khoje Hatimare Mae Jiu 89:18

Lord God, iagho ngala te vahini naikno na te mala saghe leghu ghami ghehati na. Uve, iagho ngala te blahi na nei iagho ngala nomi God ghehati mae Israel, nei iagho ngala teke vahini mae king te mala funei fruni ghami ghehati na.

Ululahu Kronikols 29:20

Aonu mae Devet ne cheke eghu ka naiknore, “Cheke fakelini Lord noda God!” Aonu naiknore ne kafe cheke fakelini Lord nodi God kuꞌedi tifa ra. Mare ne kafe pogho soru ne fafnaknoni God, nei jaola fafnaknoni King Devet.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Eksodas 15:21

Eghuteuna Miriam ne koje eghu ka reꞌe: “Tahati koje ranghini Lord, naugna mana neke uluni magra biꞌo na! Mana neke huju soru ka thongna na mae soldia re balu nodi hose!”

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.