Nodi Khoje Hatimare Mae Jiu 47:1 - Buka Blahi Ka Cheke Holo

¹ Ghotilo naikno ka namono te gnafa ra! Ghotilo kafe proaposa! Koje fabiꞌo balu glealeꞌa nei kilo fnaknoni God.

Nodi Khoje Hatimare Mae Jiu 47:1 ပူးပေါင်းရင်းမြစ်များ

Nodi Khoje Hatimare Mae Jiu 106:47

Lord, iagho nomi God ghehati! Fakarhi ghami nei atha fajifla ghami eghu khamedi naikno bongihehe gre. Atha fafigri ghami ka namonomi ra. Te eghu na, ghehati ginauna tegio ka iagho, nei ghehati na cheke fakelini nanghamu iagho te blahi na.

Nodi Khoje Hatimare Mae Jiu 98:4

God na noda King tahati! Eghume, tahati te gnafa ka nauthoglu igne mala kafe glealeꞌa! Tahati mala glealeꞌa nei thagru eghu, nei kilo fnaknoni mana ka khoje balu glealeꞌa. Tahati mala koje ka gita, nei ifu ka khufli nei phoposa, kate glealeꞌa nei koje kilo fnaknoni teu tahati mana na!

Profet Jeremaea 31:7

Lord ne cheke eghu, “Ghotilo koje balu gleale'a eigna Israel! Ghotilo eha fabiꞌo eigna kantri te biꞌo lahu ka nauthoglu igne. Kate kilo fnaknoni Lord na, ghotilo mala cheke eghu ka naiknore, ‘Lord! Fakarhidi nou naikno Israel te au faleghu igre!’

Profet Isaia 55:12

Neuba ghotilo ne au neu Babilonia, ghotilo ginauna jifla ka kantri tuana, eghuteuna ghotilo ginauna glealeꞌa fara. Kate batu ghami te jifla iara na, ghotilo ginauna nake au fakeli. Neubane thogele te au faligoho ghami ghotilo igre ginauna jaola glealeꞌa balu koje. Neuba gaju igre ginauna jaola glealeꞌa fara balu proaprosa.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 47:5

Noda Lord na kela pulohi kligna. Mana gognaro na gnokro ka nogna sape nafnakno na. Eghuteuna kate haghe mana kligna na naiknore keli tadi ne eha fabiꞌo balu khufli.

Fapea Kings 11:12

Aonu mae Jehoeada ne batuni mae Joas ne jifla mei ka Sugablahi na ne lisei lao khepi nafnakno na ka phaꞌugna mana na. Eghuteuna tusu lao ka mana kaisei buka vetula te mala leghuni hatimare mae king, eghuteuna tofa oel ka phaꞌugna mana na. Eghuteuna chekeni ka naiknore te mana ngala te king gognarona. Aonu naiknore ne proaprosa ne eha eghu fabiꞌo, “Iagho king fabrahu!”

Fapea Samuel 6:15

Aonu mae Devet nei naiknodi Israel, mare pala Bokis Blahi igne ne haghe Jerusalem. Mare gleale'a fara ne eha fabiꞌo balu kufli.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Sekaraea 4:7

“Ka Tharunga igne, Serababel tangomana te uludi gobigna lepo te ninhigrana te fanograni mana te theome tangomana mana te loku fagnafani nogna Sugablahi Lord. Uve, mana jateula te eni kaisei thogele biꞌo te mala vido sare ra eghu. Eghuteuna kate lilisei mana thina leghu lahu ka suga igne, naiknore ginauna eha eghu fabiꞌo, ‘Keli fara! Keli fara!’ ”

Nodi Khoje Hatimare Mae Jiu 98:8

Ghotilo khoꞌura, ghotilo mala glealeꞌa nei proaprosa eghu. Uve, ghotilo thogelera, ghotilo kafe khapru mei ke ulugna Lord mala koje nei kilo fnaknoni eghu mana, naugna mana na mei mala funei frunidi naikno te gnafa ka nauthoglu igne! Uve, mana ginauna fatedi naikno te gnafa ka nauthoglu igne ka puhi te doglo.

Fapea Kronikols 13:15

Aonu hatimare mae soldia di Juda ne eha fabiꞌo mala tei ka magra. Kate eha eghu mare na, God ne toghoni King Abaeja nei armigna Juda mala tangomana mare te ngolhi teini Jeroboam nei armigna Israel.

Ululahu Samuel 10:24

Eghuteuna mae Samuel ne cheke eghu, “Igne mae ihei teke vavahi Lord na! Theo kaisei mae ka tahati te jateula mana teuna.” Eghuteuna naiknore ne thagru eghu fabiꞌo, “Iagho king fabrahu tifa tifa!”

Profet Sefanaea 3:14

Ghotilo naiknomi Israel! Ghotilo eha nei koje balu gleale'a! Ghotilo naiknomi Jerusalem, gleale'a ka nagnafami fateote'o!

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.