Nodi Khoje Hatimare Mae Jiu 46:9 - Buka Blahi Ka Cheke Holo

⁹ God ne cheke faheta ka naiknore mala thosei magra fari thedi ka nauthoglu gne. Mana ne lolhopa nodi phaloho nei nodi jata teure, eghuteuna koko lao nodi greoreo ka khaꞌaghi.

Nodi Khoje Hatimare Mae Jiu 46:9 ပူးပေါင်းရင်းမြစ်များ

Profet Isaia 2:4

Eghuteuna ka narane igne, Lord ginauna fadoglidi puhi fapholai fari hoteidi keha kantri are. Aonu mare ginauna nake kuri naflahi mala magra ra nei nodi goru teura mala ke vuhai khodo mala dokha glose nei naflahi pekora mala kato grep. Aonu naiknogna kaisei kantri na ginauna na theome magra ka keha kantri na, ba farirhiudi mae majaghani re mala magra.

Profet Maeka 5:10

Lord ne cheke eghu, “Ka narane tuana, iara ginauna roꞌedi nomi hose ghotilo are, eghuteuna iara ginauna goigoni nomi chariot mala magra ghotilo are.

Profet Isaia 60:18

Ghotilo ginauna na theome nomhini naogla gna magra na ke lamnagna nomi kantri ghotilo igne. Eghuteuna hatimare mae naoka na theome tangomana te mei goigoni nomi namono ghotilo igne. Iara ginauna reireghi ghami ghotilo, nei bara ghami eghu ghotilo, jateula bara thina te ringni ligoho ghami ghotilo igne eghu. Eghuteuna ka narane tuana, ghotilo ginauna cheke fakeli ghau iara, naugna iara neke fakarhi ghami ghotilo.

Profet Isaia 11:9

Ka Thogele blahi Saion igne, naiknore ginauna theome tangomana te goigonidi gobigna lepo re, naugna nauthoglu igne ginauna fodu ka naikno te thofno laseni Lord, jateula thongna te fodu te salaꞌui ra eghu.

Ululahu Samuel 2:4

“Nodi phaloho mae te nheta ra la soru pari la diꞌa, nu mae te theome nheta ra mare la nheta fabrahu.

Josua 11:9

Aonu mae Josua ne leghuni nogna cheke Lord igne ne lolhopa gahedi nodi hose nei faghamu khaꞌaghi nodi chariot teu mae naoka igre.

Profet Esikiel 39:3

Iara ginauna hata koko phaloho fei khame mairimu, eghuteuna hata koko jata fei khame nhetamu.

Josua 11:6

Aonu Lord ne cheke eghu ka mae Josua, “Iagho thosei mhaghudi, naugna iara Lord ginauna togho nigho iagho. Nathuꞌu jateula narane gognarogne teuna mae te kmana tuare ginauna kafe lehe hui. Eghuteuna ke leghugna magra igne, nodi hose mala magra mare are ginauna kafe blughu, eghuteuna nodi chariot mala magra mare are ginauna kafe ghamu khaꞌaghi hui.”

Nodi Khoje Hatimare Mae Jiu 66:5

Tore, mei si ghotilo, mala filodi glepo te biꞌo te edi God igre. Uve, mei si ghotilo mala filodi gloku te biꞌo fara te edi mana farihoteidi naiknore igre.