Nodi Khoje Hatimare Mae Jiu 46:6 - Buka Blahi Ka Cheke Holo

⁶ Kate diꞌatagna God te fnaja fabiꞌo jateula fila teuna, naikno bongihehe ka nauthoglu gne ginauna blalho jateula khoꞌu eghu. Eghuteuna naiknore ginauna mhaghu nodi fara kate nghali te diha nodi namono na.

Nodi Khoje Hatimare Mae Jiu 46:6 ပူးပေါင်းရင်းမြစ်များ

Profet Emos 9:5

Lord God, mae ihei te au nolaghi fateote'o, mana tangomana te habo kolho ka nauthoglu nei glose teu igre mala nghali, eghuteuna naikno te gnafa re ginauna diꞌanagnafa nei tanhi eghu. Ginauna na jateula kaisei nakheu eghu na nghali tongana namono te gnafa ka kantri igne, eghuteuna glose igne ginauna haghe nei soru eghu jateula Khoꞌu biꞌo Nael te britha biꞌo ra eghu.

Profet Nahum 1:5

Kate thakle mei mana na, thogele biꞌo te gnafa igre ginauna nghali tongana. Eghuteuna gukhu ikodi te gnafa igre ginauna ngali nei blalho eghu. Eghuteuna nauthoglu igne baludi iheire te au ke lamnagna igre ginauna mhaghu balu fififri.

Profet Maeka 1:4

Tutuani, thogele igre ginauna blalho, jateula kadele te au rhegna khaꞌaghi eghu. Mare ginauna thofa soru pari ke lamna glogu, jateula khoꞌu te loloro soru funu ka thogele ro.

Profet Joel 2:11

Aonu Lord ne eha fabiꞌo ka cheche te jateula nogna mae soldia teu mana igre. Aonu naoglagna mana igne thono biꞌo fara jateula te poha fila ra eghu. Neuba, cheche igre ne kmana fara nei nolaghi fara neu, rehati na leghuni kolho nogna cheke mana na. Eghume, nogna Narane Lord igne ginauna ninhigrana fara. Ihei gne te nabagna nate khegra heta kate thoke mei Narane igne na? Thono theo fara.

Nodi Khoje Hatimare Mae Jiu 18:13

Lord na au neu kligna ne cheke fabiꞌo jateula fila neu ka maloa na. God au neu kligna ka maloa na ne cheke, eghuteuna khaꞌaghi nei nakhete thina teure ne khoko ne soru pari.

Profet Emos 9:13

Lord neke cheke eghui, “Kaisei narane, glose igne ginauna nake keli, eghuteuna gano re ginauna kmana fara ke lamna nagare, eghuteuna naiknore ginauna theome naba nate hata fahuidi re. Jaola ka narane tuana, sisidi gaju grep re ginauna kmana fara, eghuteuna mae nalhaꞌure ginauna theome naba nate ei waen tagna na. Eghuteuna mare tangomana te ei kmana waen fara te jateula kholodi sisi igre te thofa soru ka geri thogele na te pila glose naia eghu.” Igne nogna cheke Lord.

Profet Emos 1:2

Mae Emos ne cheke eghu, “Lord ne eha fabiꞌo jateula kaisei lion eghu ka Thogele Saion. Eghuteuna naogla gna mana igne oa'ongha jateula fila eghu. Aonu buburu te gnafa te mala ghamu sipure ne kafe gnhagha soru. Eghuteuna gaju te gnafa ka Thogele Kamel ra ne jaola ne kafe lehe.”

Profet Jeremaea 25:30

“Jeremaea, iagho tei cheke ka naiknore cheke igre: “ ‘Lord ginauna eha fabiꞌo jateula lion eghu ka nogna naiknore funu kligna. Eghuteuna naogla gna mana igne poha jateula fila eghu. Eghuteuna mana ginauna fnaja fabiꞌo ka nogna naiknore. Eghuteuna mana ginauna eha fabiꞌo jateula mae te tapla ke kligna grep te mala ei waen ra eghu ka naikno te gnafa ka nauthoglu igne.

Nodi Khoje Hatimare Mae Jiu 97:5

Ka tathagna Lord nodi mae funei naikno te gnafa ka nauthoglu igne na, thogelere ne blalho jateula kadele te nhaꞌa lao ka khaꞌaghi ra neu.

Nodi Khoje Hatimare Mae Jiu 68:33

Ghotilo koje ranghini mae ihei te nolo tafri teu ka maloa kligna, maloa igne neke au vuha tifa. Fanomho si ghotilo, mana eha fabiꞌo jateula fila eghu.

Nodi Khoje Hatimare Mae Jiu 68:8

Ka narane tuana glose na neke nghali eghuteuna nakhete biꞌo na neke soru mei, naugna nodi God mae Israel neke soru mei ka Thogele Sanai.

Fapea Kronikols 20:1

Ke leghu, armigna Moab, nei armigna Amon, nei armigna Meun eghu mei ne magra ka King Jehosafat.

Josua 2:24

Phia mare ne cheke eghu ka mae Josua, “Tahati thofno laseni Lord na snakre meihi ka tahati namono biꞌo igne. Naikno te gnafa ka namono igre thono mhaghu nodi fara ka tahati.”

Josua 2:11

Kate nomhidi ghehati thoutonu eidi glepo igre, ghehati mhaghu nomi fara. Eghuteuna gognarona gaoghathomi ghehatire thofno glaꞌe farahi. Lord nomi God ghotilo igne mana thofno God gna kligna nei nauthoglu igne.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Diutronomi 7:21

Eghume ghotilo thosei mhaghudi mare, naugna Lord nomi God ghotilo na au balumi ghotilo. Mana au nolaghi fateote'o, eghuteuna mare mhaghu nodini fara mana.

Fapea Kings 19:34

Iara ginauna reireghini namono igne, uve, iara ginauna fakarhini Jerusalem. Naugna iara neke nhaꞌa cheke tifa ka nogu mae gloku King Devet tifa ia.”

Nodi Khoje Hatimare Mae Jiu 125:1

Iheire te au nodi grouronu biꞌo ka God na, mare jateula Thogele Saion te theo ka nghali gna ba thugha gna teu ia eghu.

Profet Isaia 31:5

Iara Lord mae ihei te au nolaghi fateote'o, iara reireghini Jerusalem jateula nanghaji te flalo ke kligna gnoku te mala reireghini nogna gnoku na ia eghu. Iara ginauna jateula kaisei greoreo eghu tei salaꞌu ke kligna gna namono biꞌo Jerusalem mala fakarhadi.”

Profet Isaia 33:20

Ghotilo filoni Jerusalem. Namono aheva te mala ei gaghamu biꞌo nei tarai teu tahati ia. Igne kaisei namono keli mala poru tahati tagna mala au kau pharikeli. Ginauna na jateula kaisei suga tapuale te theome tangomana kaisei naikno te rathu koko khegra te loku famaku gnarho gna suga igne, eghuteuna gnarho igne na theome tangomana te khusu na.

Profet Esikiel 48:35

“Brahugna gringni thina te tei falithuni namono igne nheva kilomita. “Eghuteuna funu ka narane tuana, ghotilo ginauna kiloni namono igne, Lord-Sama, gaoghathogna na Lord na au jare.”