Nodi Khoje Hatimare Mae Jiu 46:4 - Buka Blahi Ka Cheke Holo

⁴ Jare ka namonogna God, mae ihei te blahi fara na au kaisei khoꞌu biꞌo te mala faglealeꞌadi naikno te tufru soruni mana ka namono tuana.

Nodi Khoje Hatimare Mae Jiu 46:4 ပူးပေါင်းရင်းမြစ်များ

Nodi Khoje Hatimare Mae Jiu 87:3

Ghotilo naikno te au ka namonogna God ra, ghotilo fanomho ka famane cheke igre. God na edi gloku te keli ka ghotilo!

Nodi Khoje Hatimare Mae Jiu 48:8

Tahati theda neke nomhidihi unha teke edi God glepo igre tifa na, nu gognaro na tahati kela filoni mana teke la edi glepo igre. Tahati gognaro na au ka nogna namono biꞌo noda God, mana Lord te au nolaghi biꞌo eghuteuna tahati filoni mana te edi glepo igre ka namono biꞌo igne. God ginauna loku famaku fabrahu namono biꞌo igne tifa tifa.

Nodi Khoje Hatimare Mae Jiu 23:2

Mana filoni kaisei vido te au buburu te keli mala tei ghamu nei gnafa fakeli eghu iara. Mana batu tei ghau iara ka vido aheva te muana te au khoꞌu te keli mala koꞌu iara.

Profet Isaia 60:14

Thudi iheire teke para ghami fara ghotilo ra ginauna mei fafnakno ghami ghotilo, eghuteuna mare ginauna mei pogho soru pari ke ulumi ghotilo. Iheire teke filo fapari ghami ghotilo tifa ra ginauna mei tuturupuku ke ulumi ghotilo. Eghuteuna naiknore ginauna cheke eghu, ‘Tutuani fara, mare ginauna kiloni namono biꞌo Saion igne nogna namono Lord mae ihei te blahi fara, nodi God mae Israel.’

Nodi Khoje Hatimare Mae Jiu 65:9

Iagho falalase ka naiknore te reireghini teu iagho nauthoglu igne, naugna iagho ne snakre meini ne u nakhete na mala fabuabublani glose na mala gri haghe kmana gano. God, iagho neke edi khoꞌu gre mala fodu fabrahu, eghuteuna eni glose gne mala karha te vuragha gano na maladi naiknore. Igne puhimu iagho.

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Profet Isaia 48:18

Jame te leghudi ghotilo nogu cheke iara igre na, ghotilo ginauna au fabrahu ka pharikeli, eghuteuna nakarhami ghotilo na jateula khoꞌu te loloro fabrahu te theome krango ra eghu. Eghuteuna ghotilo ginauna leghuni fabrahu puhi te doglo na jateula galo te poha ka nusu ba ka khalaꞌe ra eghu.

Thakle 21:10

Nogna nolaghi Tharunga te Blahi na mei ka iara, eghuteuna engel na batu ghau iara ne haghe ka kaisei thogele biꞌo te tei fara kligna. Mana ne falalase ka iara namono blahi, Jerusalem, funugna ka God ne soru mei.

Profet Maeka 6:6

Unha nafnata glepo nate atha te mei tahati te mala fafara ka Lord mae ihei te God gna kligna na? Ba? Tahati ginauna atha mei famane buluka majaghani mala gahu jateula fafara eghu ka mana?

Nodi Khoje Hatimare Mae Jiu 92:1

Lord God, iagho thofno God te nolaghi fara, thofno keli fara te cheke fakeli nigho iara na. Uve, thofno keli fara te cheke fakeli nigho iara ka khoje na.

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 48:1

Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Nodi Khoje Hatimare Mae Jiu 43:3

Snakre meidi sagho naphaemu nei thofno chekemu teure. Iara magnahaghedi naphaemu nei chekemu teu gre te mala batu ghau te mala atha fapulo ghau ka sugamu te blahi te au ka nou namono blahi Saion, ka vido aheva te au teu iagho na.

Hibru 12:22

Nu ghotilo la mei namohi ka kaisei namono majaghani, u thogele te kiloni Saion. Igne namono Jerusalem te au kligna na, nogna namono biꞌo God mae ihei te karha te tifa. Jare te au thogha thogha engel nogna God.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Nodi Khoje Hatimare Mae Jiu 92:8

Naugna, Lord iaghou ngala te mala King fabrahu te tifa te tifa na.

Nodi Khoje Hatimare Mae Jiu 93:3

Lord God, naogladi nhorora gre thono biꞌo fara. Uve, thofno oa'ongha fabiꞌo fara.