Nodi Khoje Hatimare Mae Jiu 46:3 - Buka Blahi Ka Cheke Holo

³ Uve, neubane malu thongna na, ba neubane mei goigovi na ne tafru thogele gre, tore, tahati theome tangomana te mhaghu na!

Nodi Khoje Hatimare Mae Jiu 46:3 ပူးပေါင်းရင်းမြစ်များ

Profet Jeremaea 5:22

Iara neke lilisei nusu mala fofotagna vido aheva te mala mei snoto thongna na. Neuba thongna na ne maraghata ba ne diꞌa rane, nu thongna na theome tangomana te mei salaꞌuni vido teke fofota mana igne. Naugna unha site theome mhaghu ghau iara nei theome mei bobolo teu ghotilo ke ulugu iara gnea?

Profet Nahum 1:5

Kate thakle mei mana na, thogele biꞌo te gnafa igre ginauna nghali tongana. Eghuteuna gukhu ikodi te gnafa igre ginauna ngali nei blalho eghu. Eghuteuna nauthoglu igne baludi iheire te au ke lamnagna igre ginauna mhaghu balu fififri.

Profet Maeka 1:4

Tutuani, thogele igre ginauna blalho, jateula kadele te au rhegna khaꞌaghi eghu. Mare ginauna thofa soru pari ke lamna glogu, jateula khoꞌu te loloro soru funu ka thogele ro.

Thakle 16:20

Eghuteuna moumolu te gnafa nei thogele te gnafa teure ne dofidi.

Matiu 7:25

Neubane mei nakhete biꞌo na, mei neu nabritha na, nei mei neu nuri blahi na ka suga tuana, suga tuana ginauna theome phaꞌe. Naugna ne babana ke tagru glose te saesape ka thina.

Profet Isaia 5:3

Lord mae ihei te namhani fara iara igne ne cheke eghu, “Ghotilo naiknomi Jerusalem nei naiknomi Juda! Ghotilo fate farihoteigu iara nei nogu nagare iara igne mala laseni ihei te jafra na.

Nodi Khoje Hatimare Mae Jiu 18:4

U glehe na theome tei fakhaba ghau iara. Glehe na jateula dogi te haru famaku ghau iara ia eghu, ba jateula galo te mei toku tafru ghau iara ia eghu.

Thoutonu Eigna Mae Job 38:11

Iara neke cheke eghu ka khoꞌu na, ‘Iagho mei posa ka vido igne eghuteuna iagho snoto jare. Nou nolaghi iagho na tangomana te haghe posa ka vido igne eghuteuna hui.’

Thakle 17:15

Aonu engel na ne cheke eghu ka iara, “Iagho laseni, khoꞌu te filodi iagho te gnokro teu thau te vine na rhedi are, tuare ngala naiknodi namono te gnafa, vike te gnafa, kokholo te gnafa nei cheke te gnafa.

Profet Jeremaea 4:24

Eghuteuna thogelere ne kafe nghali ne kheu tongana, eghuteuna gukhu te gnafare ne jaola ne thugha tafri ne theome au snoto.

Ululahu Kings 19:11

Eghuteuna Lord ne cheke eghu ka mana, “Iagho jifla tei kosi, eghuteuna iagho ari thafo ghau iara ke kligna thogele, naugna Iara Lord namo mei salaꞌu agne.” Eghuteuna mana ne kuru mei kaisei nuri biꞌo jateula kaisei saeklon neu ne nghali thogele igne ne phike thina re. Nu Lord na theome au ka nuri igne. Ke leghugna nuri igne, glose na nghali ka nakheu. Nu Lord na jaola theome au ka nakheu igne.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.