Nodi Khoje Hatimare Mae Jiu 46:1 - Buka Blahi Ka Cheke Holo

¹ God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 46:1 ပူးပေါင်းရင်းမြစ်များ

Nodi Khoje Hatimare Mae Jiu 145:18

Leuleghu fata na mana kaikalitiu kolho te mala toghodi iheire fateo te eha lao ka mana ka nagnafa te doglo na.

Nodi Khoje Hatimare Mae Jiu 9:9

Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Proveb 18:10

Lord na jateula kaisei vido keli mala poru eghu. Naikno te doglore tangomana te tei poru jare na.

Nodi Khoje Hatimare Mae Jiu 46:11

Lord mae ihei te funei frunini tharagna kligna na auhi baluda tahati agne. Mana noda God tahati maeda Israel. Mana noda namono keli mala poru tahati.

Nodi Khoje Hatimare Mae Jiu 142:5

Lord God, iara eha mei ka iagho mala togho ghau, naugna iagho ngala vido keli te mala poru iara na. Iara magnahaghei kaisei glepo kolho, glepo igne mala au balumu iagho fabrahu.

Diutronomi 4:7

Keha kantri te biꞌo igre, neuba mare ne au nolaghi biꞌo jateula unha neu, nu nodi god re theome au baludi jateula Lord te au baluda tahati gne eghu. Kate tarai tahati ka mana na, mana ginauna nomhi ghita fabrahu.

Proveb 14:26

Mae te ghatho tahuni Lord na, mana au vido keli mala poru, eghuteuna thugna manare ginauna jaola au fakeli.

Hibru 6:18

Uve, tahati laseni gaoghathogna God na ginauna theome tughu. Eigna mana neke kulu nhaꞌa cheke ka mae Ebraham nei jaola farerheta nhaꞌa cheke tuana kate cheke ka nhaꞌa cheke ka nanghagna thegna. Eghuteuna God na theome tangomana te chaghini naikno na! Eghume, ka phei glepo igre tahati te gnafa na thono rheta fara gaoghathodare. Uve, tahati rikha ari ka God mala reireghi ghita. Gognaro na tahati au noda fatutuani biꞌo te mala athini glepo teke nhaꞌa chekeni mana na.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Nodi Khoje Hatimare Mae Jiu 46:7

Lord, mae ihei te blahi fara na au baluda tahati. Noda God tahati naiknoda Israel, mana taji fakeli ghita tahati.

Nodi Khoje Hatimare Mae Jiu 14:6

Naikno te diꞌa puhidire igre loku heta fara mala goigonidi naikno te kuma re. Nu God na ne reireghi fakelidi te kuma igre.

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Nodi Khoje Hatimare Mae Jiu 84:1

Lord God, iara magnahagheni fara nou Sugablahi iagho na, eigna ka iagho ngala te au nolaghi fateote'o na!

Nodi Khoje Hatimare Mae Jiu 85:1

Lord God, kani au teku ghehati ka nou kantri na tifa ia iagho neke kelitamu fara ka ghehati. Naugna iagho neke togho ghami ghehati naiknomi Israel mala au fakeli.

Nodi Khoje Hatimare Mae Jiu 66:1

Tahati cheke fakelini God! Tahati glealeꞌa, tahati koje ranghini mana!

Nodi Khoje Hatimare Mae Jiu 48:1

Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Nodi Khoje Hatimare Mae Jiu 87:1

Lord neke hohoro nogna namono na ka Thogele blahi Saion.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.