Nodi Khoje Hatimare Mae Jiu 45:8 - Buka Blahi Ka Cheke Holo

⁸ Nou pohe brahu iagho na famane sisiri keligna fara ka phei nafnata sedi te kilodi mur ghe alo nei kasia. Iagho au ka famane suga nei tevo eghu re te nabagna king te lalaoni fakeli ka kheꞌi elefant. Eghuteuna hatimare mae string-band te mei lalahu te mala keli tamu iagho.

Nodi Khoje Hatimare Mae Jiu 45:8 ပူးပေါင်းရင်းမြစ်များ

Famane Khoje 1:3

Iara magnahagheni fara sisirigna oel igne te famane sisiri fara ka thinimu iagho na. Eghuteuna nanghamu iagho na jaola famane nonomho gna na jateula te siri mamahegna oel igne eghu. Tutuani fara, gaꞌase gre tangomana te magnahaghei nigho iagho fara na!

Jone 19:39

Mae Nikodimas, mae teke mei filoni mae Jisas bongiro tifa ia ne tei la balugna mae Josep. Mae Nikodimas ne atha phia nafnata meresin te kilodi mur nei alo. Meresin igre famane sisiri kelidi, tahudire tolufulu kilo.

Famane Khoje 4:6

Ghilei ghaghafa nagrifu fei hamerane eghuteuna naphae funu mala haghe, iara ginauna au ka vido igne farihoteidi phei gukhu te au kmana insens tadi.

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Famane Khoje 5:1

Kheraguo, iagho khetogu iara. Iara meihi lamna ka nogu nagare na. Iara atha khakladi te famane sisiri nei glaghobe. Iara kelitagu fara te ghamu ghegu famane jurukuli. Iara koꞌu waen balu milk. Ghopa kheraguro, ghopa mala ghamu fodu, nei koꞌu fodu, eghu ghilei thofno boho ghopa ka nomi namha na.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Jone 14:2

Jare na kmana chogho te mala au ghotilo ka sugagna mae Mama na. Jame theome tutuani na, iara jame theome chekeni igne ka ghotilo. Iara na kulu tei jare mala tarabana choghomi ghotilo.

Profet Emos 3:15

Iara ginauna paꞌe soru nodi famane suga teke babana mae te dedei maladi nhigra te reka, nei nodi famane suga te mala fajeujemnu ka narane te prai, nei suga biꞌo te lalaoni ka khe'i elefant teu igre mala vuhai chara kolho.” Igne chekegna Lord.

Famane Khoje 5:13

Tathagna foflogna mana re famane fara, jateula nagare te fodu ka gaju te khaklagna na famane sisiri. Eghuteuna foflogna mana na famane fara jateula thofno famane sisi te bothu ka khologna gaju te kiloi mur.

Famane Khoje 5:5

Iara kegra haghe ne tora grengatha ranghini kheragu na. Kate tora iara grengatha na, geghesugu iara na bothu ka kholo te famane siri keligna fara.

Famane Khoje 3:6

Ihei site jifla mei funu ka namono nagou jateula gagahu khaꞌaghi biꞌo teu gnea? Sisirigna gna thofno famane fara, jateula sisirigna famane insens, teke atha teke mei mae bisnis funu ka vido khaba fara.

Famane Khoje 1:13

Kheraguo, iara magnahaghei nigho iagho fara. Kate thuru soru iagho balugu iara bongi ia iagho jateula kaisei glepo te thofno famane siri keligna fara, te au farihotei di phei chuꞌugu iara ra eghu.

Nodi Khoje Hatimare Mae Jiu 150:4

Tahati ragi nei kilo fnaknoni eghu mana kau belo. Uve, tahati kilo fnaknoni mana ka khodili nei ka nifu.

Ululahu Kings 22:39

Keha glepo teke edi King Ehab, nei keha glepo teke lalaoni mana lamna suga ka khe'i elefant, nei thoutonu eigna namono biꞌo teke bara teke lithui mana ka thina igre, eghu mare neke rioriso soru ka Buka Eidi Glepo Teke Edi Hatimare Mae King Di Israel.

Nodi Khoje Hatimare Mae Jiu 45:15

Rehati keli tadi te ruma ka sugagna mae king balu glealeꞌa.

Nodi Khoje Hatimare Mae Jiu 11:7

Lord na mae te doglo fara, eghume mana magnahaghedi naiknore te edi puhi te doglo re eghu. Ihei ngala te leghuni chekegna God na nate filoni tathagna mana na.