Nodi Khoje Hatimare Mae Jiu 45:3 - Buka Blahi Ka Cheke Holo

³ Iagho kaisei mae king te nheta fara kau magra. Iagho au nou glepo fara eghuteuna nanghamu iagho na thono haghe fara. Iagho tarabanau nou naflahi na mala magra.

Nodi Khoje Hatimare Mae Jiu 45:3 ပူးပေါင်းရင်းမြစ်များ

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Thakle 1:16

Mana louloku fitu nathunu fei khame nheta, nei kaisei naflahi te fnonu piepile ne jifla mei ka foflogna na. Eghuteuna tathagna na siasigla fara jateula naprai farihotei aublatha eghu.

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Profet Isaia 49:2

Mana neke eni chekegu iara na mala fnonu jateula naflahi mala magra eghu. Mana reireghi ghau iara jateula te pophoru ka khamegna na. Mana tarabana ghau iara jateula iara te kaisei jata te fnonu te tarabana te mala fada ra eghu.

Nodi Khoje Hatimare Mae Jiu 96:6

Naikno te gnafare laseni te au nolaghi nei King teu mana na. Uve, thua nafnotu fateote'o te au ka Sugablahi na re nogna mana, fagaglana gna te heta nei keli fara teu nogna nolaghi mana na.

Nodi Khoje Hatimare Mae Jiu 21:5

Mana au nafnakno biꞌo naugna iagho neke toghoni mana mala tapla sorudi mana nogna naokare. Nogna naiknore neke cheke fakelini nei kilo fafnaknoni neku mana.

Thakle 19:21

Eghuteuna mae te saghe ka hose na igne ne falehedi hatimare mae soldiare ka naflahi te jifla mei ka foflogna na. Eghuteuna nanghajire ne soru ka thinidire ne ghamu ne boho.

Letas Teke Rioriso Mae Jud 1:25

Mana kaisei God ngala. Mana kaisei ngala te fakarhi ghita ka nogna gloku mae noda Lord Jisas Kraes. Ka mana ngala siasigla na, nafnakno na, nolaghi na, nei mana funu tifa te mei, nei gognaro, nei tifa tifa! Amen. Me gnafa. Iara, mae Jud.

Hibru 8:1

Unha te chekeni ghehati na igne: tahati au kaisei noda mae pris biꞌo mala kegra tughu ghita. Mana gnokro fei nhetagna God ka sape nafnakno kligna.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Letas Teke Riso Tei Mae Pol Ka Khiloau Rom 14:9

Naugna Kraes neke lehe, eghuteuna ke karha fapulo, mala nodi Lord iheire te karha teu ba iheire tela lehehi.

Nodi Khoje Hatimare Mae Jiu 145:12

Ka igne naikno te gnafare ginauna laseni nou gloku te biꞌo, nei glepo te keli eghu teke edi iagho ka nou nolaghi ra.

Nodi Khoje Hatimare Mae Jiu 145:5

Iagho King, naiknore ginauna toutonu eidi nou nolaghi nei nanghamu teu iagho re, eghuteuna iara ginauna na ghatho fabrahudi nou kofubobhoi iagho ra.

Nodi Khoje Hatimare Mae Jiu 104:1

Leuleghu fata na iara magnahaghei te cheke fakelini Lord! Iagho nogu Lord God. Iagho te fnakno fara. Iagho kegra funei ka nou nafnakno nei ka nou nolaghi.

Mae Khuru 10:36

Ghotilo lasenihi God neke cheke thakleni ka naiknodi Israel re u Nonomho te Keli na mala au tahati kau pharikeli balugna God. Naugna nogna gloku mae Jisas Kraes, mae ihei te funei frunidi naikno te gnafare.

Jajis 3:16

Aonu Ehud ne eni kaisei naflahi te fnonu piepile, eghuteuna brahugna na thokeni phiatutu glima sentemita. Eghuteuna mana haru naflahi igne ke lamna pohe fei ghahe nhetagna.

Thoutonu Eigna Mae Job 1:16

Kate cheke teu mana igne, keha mae gloku na posa mei ne cheke eghu, “Funei! Nakafli na soru mei funu kligna gnhubra fahui nou sipu iagho ra baludi mae greireghi sipu ra. Iara thegu kolho rikha te mei cheke ka iagho na.”

Nodi Khoje Hatimare Mae Jiu 21:7

Nomi king ghehati gne thofno fatutuani ni Lord. Eghuteuna mana ginauna kegra maku fabrahu naugna God ka maloa kligna thofno namhani fara nei taji fakelini eghu mana.

Famane Khoje 2:3

Kate au iagho farihoteidi keha mae majaghani re, iagho thofno jateula kaisei gaju te ure sisi farihoteidi keha gaju mata ra eghu. Iara magnahaghei fara te mala gnokro ka naungogna gaju igne, eghuteuna maimani gna sisi igne thofno mamahe fara.

Famane Khoje 5:13

Tathagna foflogna mana re famane fara, jateula nagare te fodu ka gaju te khaklagna na famane sisiri. Eghuteuna foflogna mana na famane fara jateula thofno famane sisi te bothu ka khologna gaju te kiloi mur.