Nodi Khoje Hatimare Mae Jiu 45:17 - Buka Blahi Ka Cheke Holo

¹⁷ U khoje te eni iara igne ginauna loku famakuni fabrahu nafnaknomu iagho. Eghuteuna naikno te gnafare ginauna theome gnafa te kilo fnakno nigho na tifa tifa.

Nodi Khoje Hatimare Mae Jiu 45:17 ပူးပေါင်းရင်းမြစ်များ

Profet Isaia 62:3

Ghotilo ginauna na jateula nogna famane khepi nafnakno te louloku teu Lord ra eghu.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Profet Isaia 61:9

Vike te gnafa ka keha kantri igre ginauna lasedi nogu naikno iara igre, eghuteuna ginauna na jaola lasedi iheire nate karha mei thogheiro. Iheire fateo te filodi naikno igre ginauna lase ghau iara Lord teke fablahidire.”

Matiu 26:13

Tutuani fara, te chekeni iara ka ghotilo na. Aheva ka nauthoglu igne te toutonuni Nonomho te Keli na, naiknore ginauna nake ghatho fapuloni unha teke eni naꞌa igne.”

Profet Isaia 59:21

“Igne nogu nhaꞌa cheke iara na: Iara lisei soru Tharungagu na ka ghotilo, eghuteuna iara neke tusu arihi ka ghotilo nogu farirhiu ra. Eghuteuna phei glepo igre, Tharunga ghe Farirhiu ginauna au fabrahu balumi ghotilo. Phei glepo igre ginauna na au fabrahu baludi thumi ghotilore, eghuteuna jaola au baludi iheire nate karha mei ke leghumi ghotilore tifa tifa.” Igne chekegna Lord.

Famane Khoje 6:9

Nu iagho themu kolho iagho famane jateula kaisei balhu, eghuteuna iara magnahaghei nigho iagho fara. Idomu na namha nigho iagho fara salaꞌudi keha thugna naꞌare. Kate filo mei gaꞌase te gnafa igre ka iagho, reꞌe na cheke fakeli nigho. Uve, kate filo mei ka iagho kuin te gnafa nei keha khetogna king te gnafa teu igre ka iagho na, reꞌe na cheke fakeli nigho iagho.

Nodi Khoje Hatimare Mae Jiu 138:4

Lord God, hatimare mae king te gnafa ka nauthoglu igne ginauna cheke fakeli nigho, naugna mare la nomhi nihi nou nhaꞌa cheke iagho ia.

Ululahu Korin 11:26

Tutuani, leuleghu fata kate ima bret na nei koꞌu ka hinao igne teuna, ghotilo falalase eigna glehegna Lord ghilei ke pulo mei mana.