Nodi Khoje Hatimare Mae Jiu 45:15 - Buka Blahi Ka Cheke Holo

¹⁵ Rehati keli tadi te ruma ka sugagna mae king balu glealeꞌa.

Nodi Khoje Hatimare Mae Jiu 45:15 ပူးပေါင်းရင်းမြစ်များ

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Profet Isaia 56:5

Iara ginauna tusu ari nafnakno ka mare ke lamnagna nogu Sugablahi na, uluni jame te au thudi mare na. Eghuteuna nogu naikno iara re ginauna theome ghatho ihodi mare.

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Jone 14:3

Ke leghugna te tei iara te tarabana choghomi ghotilo na, iara nake pulo mei. Aonu iara ginauna hata ghami ghotilo mala au balugu ka vido aheva nate au iara na.

Profet Isaia 51:11

Naikno teke fakarha fapulodi Lord ra, ginauna nake pulo mei Jerusalem. Eghuteuna kate pulo mare Saion, mare ginauna eha fabiꞌo balu koje naugna mare ne glealeꞌa fara. Mare ginauna theome diꞌanagnafa ba tanhi ka namono igne, naugna mare na glealeꞌa fabrahu kolho.

Profet Esikiel 16:10

Iara hata kaisei famane pohe mala pipichi iagho, eghuteuna lilisei sandol teke horo mare ka guli buluka ka ghahemu iagho na. Iara hata kaisei famane vido pohe vegha eghuteuna haru falithui ka phaꞌumu iagho na, eghuteuna iara hata kaisei famane pohe vegha mala pipichi iagho.