Nodi Khoje Hatimare Mae Jiu 45:1 - Buka Blahi Ka Cheke Holo

¹ Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Nodi Khoje Hatimare Mae Jiu 45:1 ပူးပေါင်းရင်းမြစ်များ

Nodi Khoje Hatimare Mae Jiu 49:3

Cheke nate chekedi iara igre thofno gaoghatho keli fara. Eghume cheke nate jifla mei ka gaoghathogu iara igre na tusu ari glalase ka ghotilo.

Thoutonu Eigna Mae Job 33:3

Cheke nate chekedi iara igre, doglo nei tutuani eghu.

Fapea Samuel 23:2

“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.

Proveb 16:23

Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Fapea Pita 1:21

Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.

Profet Isaia 5:1

Iara ginauna kojeni kaisei khoje eigna mae ihei te namhani fara iara na. Jateula igne eghu, mae igne neke eni kaisei nagare grep ka vido glose te keli rhegna kaisei thogele.

Nodi Khoje Hatimare Mae Jiu 69:1

God, ghose mei togho ghau iara! Iara gne la thoke ghau puhi biꞌo! Jateula khoꞌu te haghe posa ka graragu iara na ia eghu.

Thoutonu Eigna Mae Job 34:4

Tahati mala loku fodu mala laseni unha te doglo, nei unha te keli.”

Efesus 5:32

U cheke tuana e poru gaoghathogna na eghuteuna iara cheke eidi tuare agne naugna cheke tuana jaola cheke eigna Kraes nei nogna khiloau.

Matiu 27:37

Mare lilisei fagaglana ke kligna pha'ugna mae Jisas ka gaju fafatha na balu fathoro teke edi mare ka mana. Mare ne rioriso cheke igre: “JISAS NODI KING HATIMARE MAE JIU.”

Famane Khoje 1:12

Nogu king, kate thuru soru iagho ka nou chea brahu na, sisirigna oel te famane sisiri keligna ka thinigu iara na igne ne fodu ka chogho igne.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Esra 7:6

Pris Esra neke pulo mei funu Babilonia. Mana kaisei mae velepuhi te laseni fara Vetula teke tusu lao Lord nodi God mae Israel ka mae Moses tifa ia. Ka fafitu finogha te funei fruni King Atasekses Pesia igne, Esra neke tarabana kaisei tothoghei biꞌo gna Israel mala batudi ke pulo Jerusalem. Naugna Lord nogna God mana igne fablahini mana, gobigna lepo te toredi mana ka king re, king igne tusu lao ngala ka mana. Ka tothoghei igne, au mae pris nei mae Livaet, nei mae kwaea, nei mae greireghi, nei mae gloku, mae igre mala loku ka Sugablahi.

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.