Nodi Khoje Hatimare Mae Jiu 44:4 - Buka Blahi Ka Cheke Holo

⁴ Iagho nogu Lord nei nogu God eghu iara, iagho gognaro na toghodi nou naiknore mala nheta frunidi nodi naokare ka magra na.

Nodi Khoje Hatimare Mae Jiu 44:4 ပူးပေါင်းရင်းမြစ်များ

Nodi Khoje Hatimare Mae Jiu 74:12

God, neubane eghu ngau, iagho funu tifa te mei na neke nomi king ngala ghehati, kmana fata iagho neke fakarhi ghami ghehati.

Nodi Khoje Hatimare Mae Jiu 42:8

God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Nonomho Te Keli Teke Risoi Mae Mak 9:25

Mae Jisas ne filodi naiknore ne kafe thugha mei jare mala filoni unha te eni mae Jisas na. Aonu mae Jisas ne cheke eghu ka naitu na, “Iagho naitu te fameglini nei faꞌiho chekeni teu mae sitei igne, jifla mei ka mana. Eghuteuna, thosei ke ruma ka mana eghu!”

Nodi Khoje Hatimare Mae Jiu 89:18

Lord God, iagho ngala te vahini naikno na te mala saghe leghu ghami ghehati na. Uve, iagho ngala te blahi na nei iagho ngala nomi God ghehati mae Israel, nei iagho ngala teke vahini mae king te mala funei fruni ghami ghehati na.

Nonomho Te Keli Teke Risoi Mae Mak 1:41

Mae Jisas ne kokhoni nognani, ne habo lao ka mana ne cheke eghu, “Uve, iara magnahaghei, ke salhu silagho.”

Nonomho Te Keli Teke Risoi Mae Mak 1:31

Aonu mae Jisas tei ne loku ka khamegna na ne fakegra haghe. Eghuteuna fogra igne ghosei ne gnafa ka naꞌa. Ke leghugna igne naꞌa kegra haghe ne tarabana gano ne faꞌimadi mare.

Nodi Khoje Hatimare Mae Jiu 149:2

Tahati vikegna mae Jekop, ba mae Israel ra, tahati glealeꞌa naugna Lord neke vuavuha ghita. Uve, tahati nogna naikno mana te au Saion ra, tahati glealeꞌa naugna mana ngala noda mae King tahati na.

Profet Isaia 33:22

Lord na noda king tahati, eghuteuna mana fate ghita ka puhi te doglo. Mana farirhiu ghita nogna vetula re eghuteuna mana ginauna na fakarhi ghita.

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Diutronomi 7:8

Nu naugna mana namha ghami ghotilo, eghuteuna mana leghuni nhaꞌa cheke teke eni mana baludi kuꞌemi ghotilo tifa ra, mana neke fakarhi ghami ghotilo ka nogna nolaghi biꞌo na kani teke hata fajifla ghami ka khamegna king gna Ijep mala theome sneka ghotilo.

Diutronomi 7:19

Mana neke hata fajifla ghami ka khame nhetagna king gna Ijep. Ghotilo neke filo tathamihi kofubobhoi nei nolaghi nei glepo te mamhaghuana fara Lord noda God teke edi kani teke hata fajifla ghami ghotilo Ijep ia. Eghume, Lord nomi God ghotilo igne ginauna jateula tuana eghu goigonidi naikno te mhaghudi ghotilo tuare.

Josua 24:12

Kate mei namo ghotilo te mala magra ka mare na, iara neke edi mare mala mhaghu ghami ghotilo. Uve, mare ne jateula kaisei mae te mhaghu khuma fakaukathu ra neu ne mhaghu nodi fara ne rikha ghami ghotilo. Iara neke eni igne mala tangomana ghotilo te ngolhidi phei nodi king vikegna Amoa. Uve, iara neke uludi mare ka nogu nolaghi iara. Ghotilo theo nomi nolaghi te mala aknu falehedi mare ka nomi naflahi nei nomi phaloho teu themi.

Nodi Khoje Hatimare Mae Jiu 111:6

Mana fakakhana ka tahati nogna nolaghi na ka puhi te snakre meini ka tahati kantri teke nodi keha naiknoi igne.