Nodi Khoje Hatimare Mae Jiu 44:22 - Buka Blahi Ka Cheke Holo

²² Nu naikno gre magnahaghei fara te falehe ghami ghehati leuleghu narane. Naugna ghehati gne nou iagho, mare gaoghatho mala falehe ghami ghehati jateula sipu eghu.

Nodi Khoje Hatimare Mae Jiu 44:22 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:36

Te chekeni kau grioriso te blahi na glepo igre tangomana te thoke ghita tahati, ne cheke eghu, “Naugna ghehati nou iagho, naiknore magnahaghei te falehe ghami ngala leuleghu narane, te ghathoni mare na ghehati gne jateula sipu te mala falelehe ra eghu kolho.”

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.

Nodi Khoje Hatimare Mae Jiu 44:11

Iagho snakredi mare mala falehe ghami jateula sipu eghu, mala tei au tafri ghehati ka keha kantri delei.

Jone 15:21

Nu mare na edi glepo igre ka ghotilo naugna ghotilo nogu iara. Jaola mare theome laseni mae Mama mae ihei teke kuru mei ghau iara kau nauthoglu igne na.

Ululahu Korin 4:9

Nu gaoghathogu iara na, God lilisei ghami ghehati mae khuru gre leghu lahu. Ghehati jateula mae sosolo tela fate ghamihi mare te mala lehe ra eghu. Ghehati kegra ke uludi engel nei naiknogna nauthoglu gne eghu ka puhimi ghehati re.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Thakle 17:6

Eghuteuna iara ne filoni gaꞌase igne naꞌa ne dranga, eigna naꞌa ne koꞌu dadaradi nogna naikno God re. Naꞌa neke falehedi naikno khiloaure, naugna mare ne fatutuani ni mae Jisas. Aonu kate filoni iara te eghu naꞌa igne, iara ne jaglo nogu fara nei diꞌanagnafagu.

Jenesis 18:15

Sera ne mhaghu. Aonu naꞌa chaghi ne cheke eghu, “Iara neke theome maꞌe.” Nu Lord ne cheke eghu ka naꞌa, “Uve, tutuani fara iara neke nomhi nigho iagho neke maꞌe.”

Josua 22:22

“Lord kolho te thofno God na! Lord, God mae ihei te au nolaghi fateote'o igne, mana tangomana te lasedi unha te edi ghehati re! Eghuteuna ghotilo tangomana te laseni jame te huhughuni ghehati Lord, nei theome fatutuani ni mana teuna, jame te keli na ghotilo falehe ghami ghehati kolho!

Nodi Khoje Hatimare Mae Jiu 94:11

God na thofno lasedi gaoghathodi naiknore. Eghuteuna mana laseni gaoghathogna naikno na theo nafugna kolho teuna.

Nodi Khoje Hatimare Mae Jiu 139:2

Iagho la kulu lasedihi gobigna lepo teke edi iara ra. Neuba iagho ne au neu delei fara, iagho la kulu lasedihi gaoghathogu te gnafa iara re.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”