Nodi Khoje Hatimare Mae Jiu 44:14 - Buka Blahi Ka Cheke Holo

¹⁴ Iagho neke eni igne ka ghehati mala jateula kaisei glepo te mala cheke fapari nodini naiknodi keha kantri gre eghu kolho. Mare filo uchu fabrahu ka ghehati ne maꞌe ghami ghehati.

Nodi Khoje Hatimare Mae Jiu 44:14 ပူးပေါင်းရင်းမြစ်များ

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Thoutonu Eigna Mae Job 16:4

Jame diꞌanagnafa ghotilo jateula iara meuna, iara tangomana te cheke ari kolho ka iagho gobigna lepo te cheke mei iagho ka iara igre. Eghuteuna jame te eghu na, iara jaola tangomana te chekedi kolho cheke tuarela ka iagho, eghuteuna bliubliu phaꞌugu na naugna iara diꞌa nagnafagu ka iagho.

Fapea Kings 19:21

Lord neke cheke eghu, “ ‘King Senakerib! Naiknodi Jerusalem igre ginauna maꞌe nigho kate rikha iagho na. Uve, mare ginauna tuatukma nigho iagho.

Profet Isaia 37:22

Lord neke cheke eghu, “King Senakerib! Naiknodi Jerusalem igre ginauna maꞌe nigho iagho kate rikha iagho na. Uve, mare ginauna tuatukma nigho iagho.

Nodi Khoje Hatimare Mae Jiu 109:25

Kate filo ghau iara na, naiknore maꞌe ghau iara, nei filo uchu ka iara eghu.

Nodi Khoje Hatimare Mae Jiu 22:7

Naiknore filo mei ka iara ne maꞌe ghau iara. Mare kmisu ghau iara ne bliubliu pha'udire.

Thoutonu Eigna Mae Job 17:6

“Gognarona mare te gnafa na maꞌeni nanghagu iara na, eghuteuna mare kmisu ka phei tathagu iara re.

Fapea Kronikols 7:20

Jame te eghu ghotilo na, iara ginauna khi fajifla ghami ghotilo ka glose mala nomi ghotilo teku iara igne, eghuteuna iara ginauna tiroguni Sugablahi teke fablahi iara mala pogho soru ghotilo ke ulugu iara teku igne. Eghuteuna naiknodi keha kantri are ginauna cheke faparini nei maꞌeni eghu Sugablahi igne.

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Diutronomi 28:37

Aonu ka namono aheva Lord nate kuru tei ghami ghotilo tuana, naiknore ginauna tirodi filo ghami, cheke goigoni ghami, nei na nagho ghami eghu ghotilo.

Nehemaea 2:17

Nu ka narane igne iara ne cheke eghu ka mare, “Ghotilo la lasenihi puhi biꞌo te thoke ghita tahati igne. Gringni thina gna namono Jerusalem igne la nghuja tafri la khoko pari, eghuteuna grengatha igre la gnubrahi ka khaꞌaghi. Tahati nake babana fapulo gringni thina igne, mala theome mamaja noda fabrahu tahati tagna.”

Nodi Khoje Hatimare Mae Jiu 79:4

Naikno bongihehe te au faligoho ghami ghehati igre cheke fadiꞌa ghami ghehati, nei maꞌe ghami nei tukma ghami eghu ngala ghehati.

Nodi Khoje Hatimare Mae Jiu 123:3

Lord God, kokhoni mei ghau, naugna ghehati hongo ghami fara ka naikno te maꞌe ghami gre.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”