Nodi Khoje Hatimare Mae Jiu 44:10 - Buka Blahi Ka Cheke Holo

¹⁰ Iagho neke eni igne neke rikhadi ghehati nomi naokare, gognaro na mare mei la athahi nomi gobigna lepore.

Nodi Khoje Hatimare Mae Jiu 44:10 ပူးပေါင်းရင်းမြစ်များ

Josua 7:8

Lord, iara theome laseni unha nate chekeni gognarona. Naugna nomi naoka ghehati gre la ulu ghami, nei ngolhi fapulo ghami eghu ghehati.

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Nodi Khoje Hatimare Mae Jiu 89:41

Naikno te gnafa te salaꞌu ka vido tuana, mare blau fateo nogna glepo mana re, eghuteuna naikno te au namo teu ka mana re mare maꞌeni mana.

Josua 7:12

Naugna igne, ghotilo theome tangomana te tapla faparidi nomi naokare. Ghotilo rikhadi mare, naugna ghotilo themi teke eni papara te thoke ghami ghotilo igne. Eghume, ghotilo te gnafa na mala lehe. Jame theome kafe gnubra ghotilo glepo teke blau ghotilo ra meuna, iara ginauna theome tangomana te togho ghami ghotilo na.

Diutronomi 28:25

“Lord ginauna toghodi mae naoka re mala ulu ghami ghotilo. Neuba ghotilo ne mei fodu ne kaisei mala magridi mare, ghotilo ginauna rikha ka soasopai nabrou. Eghuteuna naikno ka nauthoglu igne ginauna ghatho ghami ghotilo na kaisei glepo diꞌa kolho.

Profet Jeremaea 20:8

Kate toutonuni iara chekemu iagho na, iagho neke snakre ghau iara mala cheke fabiꞌo nei fnaja eghu eidi puhi nate paradi iagho naiknore. Nu leuleghu fata na mare maꞌe ghau nei cheke fapari ghau eghu iara.

Profet Jeremaea 15:13

“Eghume, iara ginauna kuru meidi mae naokare ka ghotilo, eghuteuna ghotilo ginauna na theome tangomana ghami te uludi mare na. Iara ginauna tufa kolho nomi gobigna glepo te keli fateote'o ghotilo are ka hatimare mae naoka. Naugna ghotilo ne edi kmana glepo te diꞌa ka vido te gnafa ka nomi kantri na.

Profet Isaia 10:14

Kantri te gnafa ka nauthoglu na igre jateula kaisei gnoku nanghaji eghu. Eghuteuna iara hatahi nodi dedei mare igre, jateula te tei iara te hata nakredigna nanghaji igne, nu idogna na theome eha ba mei kathi ghau iara teu ra eghu kolho.”

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Ululahu Samuel 4:17

Mae igne ne cheke eghu, “Kmana mae noda soldia tahati ra la lehe, eghuteuna ghehati mae te karha teu aro ne rikhani armi gna Filistia na. Eghuteuna keha glepo na, phei mae thumu iagho ra la jaola lehe, eghuteuna maedi Filistia ra hata la tei nogna Bokis Blahi Lord ia.”

Levitikas 26:14

“Nu jame te theome fanomho ghotilo ka iara na, nei theome leghudi nogu cheke iara re teuna, iara ginauna para ghami ghotilo.

Naba 14:42

Ghotilo thosei tei! Naugna Lord na theome au balumi ghotilo, eghuteuna nomi mae naoka ghotilo re ginauna falehe ghami ghotilo.

Naba 14:43

Neubane rikha tei ghotilo ka nodi namono vikegna mae Amalek nei vikegna mae Kenan teure, ghotilo ginauna lehe ka magra. Lord na theome au balumi ghotilo sia, naugna ghotilo ne theome leghudi nogna cheke mana re.”

Diutronomi 31:17

Aonu kate eni mare igne na, iara ginauna diꞌatagu fara ka mare, eghuteuna iara ginauna lisadi mare. Iara ginauna poru ka mare, eghuteuna kmana puhi ginauna mei goigonidi mare. Mare ginauna thokedi kmana puhi biꞌo, eghuteuna kate thoke mei glepo te diꞌa ka mare na, mare ginauna laseni te theome au iara baludi mare na.

Nodi Khoje Hatimare Mae Jiu 60:12

God, jame au teu iagho balumi ghehati na, ghehati gne ginauna na theome nigra ka magra na. Eigna iagho ginauna tapla sorudi nomi naoka ghehatire.

Nodi Khoje Hatimare Mae Jiu 89:39

Iagho la theome leghunihi u nhaꞌa cheke teke eni iagho ka nou mae gloku gne. Iagho jateula te hata nogna khepi mana na te koko lao ka chopu ra eghu kolho.

Nodi Khoje Hatimare Mae Jiu 89:43

Iagho neke goigonidi nogna glepo mana te mala magra re, eghuteuna iagho snakredi hatimare nogna mae naoka mana re mala uluni mana u magra na.