Nodi Khoje Hatimare Mae Jiu 43:3 - Buka Blahi Ka Cheke Holo

³ Snakre meidi sagho naphaemu nei thofno chekemu teure. Iara magnahaghedi naphaemu nei chekemu teu gre te mala batu ghau te mala atha fapulo ghau ka sugamu te blahi te au ka nou namono blahi Saion, ka vido aheva te au teu iagho na.

Nodi Khoje Hatimare Mae Jiu 43:3 ပူးပေါင်းရင်းမြစ်များ

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Jone 1:4

Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore.

Nodi Khoje Hatimare Mae Jiu 143:10

Iagho nogu God iara, farirhiu ghau iara sagho mala unha te magnahaghedi iagho re. Kokhoni ghau nei baubatu ghau eghu ka nabrou te karha.

Nodi Khoje Hatimare Mae Jiu 119:105

Nou cheke iagho tuare jateula juta eghu mala batu ghau iara tei ka nabrou te doglo, ba jateula naphae te batu fakeli ghau iara ka nabrou te keli ra eghu.

Nodi Khoje Hatimare Mae Jiu 97:11

God na fablahidi iheire te doglo puhidire, nei toghodi naikno te kelire mala glealeꞌa.

Nodi Khoje Hatimare Mae Jiu 84:1

Lord God, iara magnahagheni fara nou Sugablahi iagho na, eigna ka iagho ngala te au nolaghi fateote'o na!

Nodi Khoje Hatimare Mae Jiu 40:11

Lord, kokhoni ghau iara koba sagho! Reireghi ghau iara fabrahu! Iara tore nigho iagho te mala eni igne naugna iara lase nigho iagho te namha ghau nei tajini teu fabrahu nou u nhaꞌa cheke na.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Nodi Khoje Hatimare Mae Jiu 57:3

Mana na au kligna, mana ginauna na nomhini nogu tharai iara na, eghuteuna mana ginauna fakarhi ghau iara. Mana ginauna na famamajadi iheire te magnahaghei mei goigoni ghau iara re. Tutuani fara, God na magnahaghei ghau iara fabrahu, nei theome tei koko ghau iara eghu.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Profet Maeka 7:8

Neuba tahati ne uka pari, nu noda naoka tahati gre theome tangomana te glealeꞌa kolho ka puhi biꞌo igne. Tahati uka pari, nu tahati ginauna nake kegra haghe. Neuba tahati ne gnokro kate romno, nu Lord thegna ginauna noda naphae tahati.

Nodi Khoje Hatimare Mae Jiu 78:68

Nu mana neke vahini vikegna mae Juda, nei Thogele Saion te thono magnahagheni fara mana na.

Nodi Khoje Hatimare Mae Jiu 46:4

Jare ka namonogna God, mae ihei te blahi fara na au kaisei khoꞌu biꞌo te mala faglealeꞌadi naikno te tufru soruni mana ka namono tuana.

Nodi Khoje Hatimare Mae Jiu 42:4

God, tifara iara neke batudi kmana naikno neke tei ka sugamu iagho na. Iara neke baludi mare neke tei balu glealeꞌa, balu khoje nei balu kilo fnakno nigho. Nu kate ghatho fapulodi iara glepo igre, gaoghathogu na iara tanhi nogu fara.

Nodi Khoje Hatimare Mae Jiu 2:6

Mana ne cheke eghu ka mare, “Iara Lord neke vahini mae king igne mala funei ka Thogele blahi Saion.”

Ululahu Kronikols 16:1

Aonu mare ne lilisei Bokis Nhaꞌa Cheke igne ka suga tapuale teke enihi mae Devet igne. Mare ne falehe buluka nei sipu eghu mala fafara ka Lord. Kehare gahu knoro fara ka khaꞌaghi, eghuteuna kehare fafara mala au fakeli balugna God.

Ululahu Kronikols 16:39

Eghuteuna King Devet ne vahini mae Pris Sadok baludi keha mae pris mala tarai ka nogna Suga Tapuale Lord ka namono Gibeon.

Fapea Samuel 15:20

Ghotilo mei au katha vido kmoꞌei kolho agne balugu iara. Theome doglo iara te hata ghami ghotilo te tei tafri balugu iara na. Naugna iara theome laseni ka vido aheva nate tei au iara na. Te keli na iagho hata mae kheramu igre mala ke kafe pulo. Iara toreni Lord mala fablahi ghami nei reireghi fakeli ghami eghu.”

Ululahu Kronikols 21:29

Ka narane igne, nogna Suga Tapuale Lord teke horo mae Moses ka namono nagou na tifa ia, nei olta mala gahu fafara teu igre kafe au ngala ka vido blahi na jare Gibeon.

Fapea Samuel 15:25

Aonu king ne cheke eghu ka mae Sadok, “Ghotilo ke hata fapulo Bokis Blahi igne Jerusalem. Jame te kelitagna Lord ka iara na, mana ginauna nake hata fapulo ghau iara mala ke filoni iara Bokis Blahi igne balugna suga tapuale te au tagna na.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.