Nodi Khoje Hatimare Mae Jiu 42:9 - Buka Blahi Ka Cheke Holo

⁹ God, iagho bara fothidi koba nogu naoka iara re mala thosei mei mare mala magri ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 42:9 ပူးပေါင်းရင်းမြစ်များ

Nodi Khoje Hatimare Mae Jiu 38:6

Iara theome tangomana te kegra haghe na, naugna nakhibo gre ne bukri soru ghau iara. Leuleghu narane na iara tanhi nei diꞌanagnafa eghu kolho funu hamerane na ghilei bongi.

Nodi Khoje Hatimare Mae Jiu 43:2

God, iagho kaisei vido keli mala fakarhi ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Profet Isaia 40:27

Ghotilo naiknomi Israel ra! Ghotilo te gnafa na cheke eghu, “Lord na theome filo glanidi kolho puhigu iara re. Uve, mana theome nangadi kolho narane te ninhigrana te thoke ghau iara igre.” Naugna unha si ghotilo te khuru cheke ka Lord gnea?

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Nodi Khoje Hatimare Mae Jiu 28:1

Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Profet Isaia 49:15

Aonu, Lord ne cheke eghu, “Ba, gaꞌase na tangomana te ghatho ihoni thugna te chuꞌu teuna? Ba, naꞌa tangomana te tirognani thugna teke karha ka thegna na? Thono theo fara! Nu iara jateula kaisei gaꞌase te theome ghatho ihoni thugna na ia eghu theome tangomana te ghatho iho ghami ghotilo na.

Eklesiasti 4:1

Iara ghathodi fabrahu thua nafnata puhi te theome doglo te edi naikno gre ka nauthoglu igne. Keha naiknore paradi keha naiknore, eghuteuna naikno te au papara igre tanhi nodi fara, nu theo kaisei naikno te fameomegodire. Naugna mae te paradi naiknore igre au nodi nolaghi te mala eni unha te magnahagheni mare na.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Nodi Khoje Hatimare Mae Jiu 78:35

Gognaro na mare ne ke ghatho fapulo eigna God na thofno fnakno fara, mana ngala teke reireghidi nei fakarhidi teku mare na.

Nodi Khoje Hatimare Mae Jiu 77:9

Ba? God na theome kokhoni ghami ghehati sia? Ba? Diꞌatagna mana ka ghehati na salaꞌuni puhi te keli ranghi ghami ghehati na sia?”

Nodi Khoje Hatimare Mae Jiu 55:3

Iara mhaghu nogu fara ka nodi cheke nogu naokare. Nakarhagu na faꞌiho fara eigna mae te diꞌa gre nenei ghau iara fara. Mare goigoni ghau iara fara, diꞌatadi ghau nei tirodi ghau la iara eghu.

Nodi Khoje Hatimare Mae Jiu 13:1

God, niha nau iagho nate ghatho ghau iara na? Ba, iagho la ghatho iho ghauhila iara fabrahu tifa e tifa? Ba niha nau iagho nate snakre ghau iara te mala filoni tathamu na?