Nodi Khoje Hatimare Mae Jiu 42:8 - Buka Blahi Ka Cheke Holo

⁸ God iagho ngala te funei frunini nakarhagu iara gne. Iara gne ofoniu kolho glehe na. Iara laseni ka kaisei narane teuna iagho falalase nou namha biꞌo na ka iara. Eghuteuna leuleghu bongi na iara koje balu tharai ka iagho.

Nodi Khoje Hatimare Mae Jiu 42:8 ပူးပေါင်းရင်းမြစ်များ

Nodi Khoje Hatimare Mae Jiu 149:5

Tahati nogna naikno mana tekura, tahati glealeꞌa naugna tahati la uluni hila u magra na. Uve, tahati glealeꞌa mei koje eghu ghilei rane.

Nodi Khoje Hatimare Mae Jiu 63:6

Kate thuru na, iara ghatho nigho iagho kolho, funu grafi te posa hamerane na.

Nodi Khoje Hatimare Mae Jiu 16:7

Iara cheke fakelini God, eigna mana ne batu fakeli ghau iara. Neubane fari hotei bongiro, God ne cheke ranghi ghau iara mala leghuni nabrou te doglo na.

Thoutonu Eigna Mae Job 35:10

“Nu mare theome kilo tei kolho ka God mae ihei teke vuavuhadi mare na. Eghuteuna ka gromno na mare theome eha tei ka God mae ihei teke tusu lao khoje ka mare.

Diutronomi 28:8

“Lord ginauna fablahidi suga te mala lilisei gano ghotilo are mala fodu salaꞌui. Eghuteuna nomi gloku ghotilo are ginauna keli fara. Lord nomi God ghotilo igne ginauna fablahi ghami ghotilo ka glose teke tusu ari mana ka ghotilo igne.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Mae Khuru 16:25

Farihotei bongiro, mae Pol ghe mae Silas ne tarai balu koje kilo fnaknoni God. Keha mae te sosolo re ne fanomho ka phiamare.

Matiu 8:8

Mae funei na ne cheke eghu ka mae Jisas, “Mae biꞌo, iara theome nabagu te mei iagho ka nogu suga na. Nu ka chekemu kolho mala ke keli fapulo nogu mae gloku na.

Nodi Khoje Hatimare Mae Jiu 44:4

Iagho nogu Lord nei nogu God eghu iara, iagho gognaro na toghodi nou naiknore mala nheta frunidi nodi naokare ka magra na.

Profet Isaia 30:29

Nu tahati nogna naikno Lord ra tahati ginauna na glealeꞌa fara nei koje jateula te koje tahati ka Gaghamu Blahi ra eghu. Ginauna tahati glealeꞌa fara jateula naikno te fanomho ka khoje nifu te koje te tei ka nogna thogele blahi Lord ra eghu. Naugna mana noda Thina rheta nei noda vido keli mala poru eghu tahati maeda Israel.

Nodi Khoje Hatimare Mae Jiu 77:6

Leuleghu bongi na iara gaoghathodi fabrahu eidi narane teke koje iara teke glealeꞌa nagnafagu na, aonu iara ne cheke eghu:

Nodi Khoje Hatimare Mae Jiu 57:3

Mana na au kligna, mana ginauna na nomhini nogu tharai iara na, eghuteuna mana ginauna fakarhi ghau iara. Mana ginauna na famamajadi iheire te magnahaghei mei goigoni ghau iara re. Tutuani fara, God na magnahaghei ghau iara fabrahu, nei theome tei koko ghau iara eghu.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Nodi Khoje Hatimare Mae Jiu 32:7

Iagho nogu vido keli mala poru iara, iagho pophoru ghau iara mala theome tangomana kaisei puhi te thoke ghau iara na. Iara na koje fabiꞌo eigna nou nolaghi iagho te fakarhi ghau iara, eigna iagho ne pophoru ghau nei reireghi ghau neu iara.

Levitikas 25:21

Iara Lord, iara ginauna fablahi nomi glose na ka fafamno finogha na mala au kmana gano nabagna thilo finogha.

Fapea Samuel 22:5

Nogna nolaghi glehe na mei falithui ghauhi iara, jateula galo te poha ke klignagu, nei pili tafri ghau mala goigoni ghau iara.

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Nodi Khoje Hatimare Mae Jiu 124:4

Neuba mare ne mei mala goigoni ghita tahati mala jateula khoꞌu te britha te mala faknoho ghita ra neu, mare theome tangomana te goigoni ghita tahati na naugna Lord na togho ghita tahati.”

Profet Jona 2:4

Te ghathoni iara na, iara gne la tei koko nigho, neuba, iara ginauna nake filo fapuloni nou Sugablahi iagho na.