Nodi Khoje Hatimare Mae Jiu 42:6 - Buka Blahi Ka Cheke Holo

^6-7 Ka vido te au teu iara ke kosigna nogu kantri na, iara gaoghathogu na thono diꞌa fara, eghume gaoghathogu na iara ke ghatho fapulo nigho. Uve, iara ghatho nigho naugna iagho neke togho ghami fabrahu ka namono Israel, ka vido aheva te au Khoꞌu biꞌo Jordan, nei phei Thogele Hemon ghe Misa. Nu gognaro na puhi biꞌo thoke ghau iara jateula galo fari hotei nhorora eghu. Puhi biꞌo igre mei jateula nabritha te mei te knoho iara ra eghu. Tutuani fara, puhi igre mei jateula khoꞌu te jaja soru te oa'ongha fabiꞌo ra eghu, ba jateula fila teura eghu.

Nodi Khoje Hatimare Mae Jiu 42:6 ပူးပေါင်းရင်းမြစ်များ

Nodi Khoje Hatimare Mae Jiu 61:2

Iara gne au khaba ka nogu namono na, nei diꞌanagnafagu fara eghu. Eghume iara gne na eha ari ka iagho. Hata ghau tei ka kaisei vido te keli mala poru.

Profet Jona 2:7

“Lord, iara ghatho nigho ka vido te namo lehe iara igne. Nogu tharai iara na ari posa ka nou Sugablahi iagho na.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Nodi Khoje Hatimare Mae Jiu 22:1

Nogu God, nogu God, naugna unha sagho te tei koko ghau iara gnea? Naugna unha sagho te tei au fakhaba ka iara te theome nomhidi nogu tharai iara grea?

Fapea Samuel 17:22

Aonu, mae Devet balugna nogna mavitu na ne funu kasa ka Khoꞌu biꞌo Jordan. Kate funu agha narane na, mare te gnafa na la tei kasahi.

Matiu 27:46

Naba tanhi thiloi, mae Jisas ne eha eghu fabiꞌo, “Eli, Eli, lema sabakatani?” Gaoghathogna na, “Nogu God, nogu God, naugna unha sagho te tei koko ghau iara gnea?”

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Fapea Samuel 17:27

Kate posa mae Devet Mahanaem, thilo mae mei ne thafoni mana jare. Mae ulu lahu na mae Sobi, thugna mae Nahas, maegna Raba ka kantri Amon. Fapea na, mae Makia, thugna mae Amiel, maegna ka namono Lo-Deba. Eghuteuna fatilo na mae Basilae maegna ka namono Rogelim ka nohi Gilead.

Nodi Khoje Hatimare Mae Jiu 43:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!