Nodi Khoje Hatimare Mae Jiu 42:10 - Buka Blahi Ka Cheke Holo

¹⁰ Nodi cheke mae te diꞌa fara are ngala te jaꞌi ghau iara re. Leuleghu fata na mare cheke eghu koba ka iara, “Aheva gne nou God iagho na?!”

Nodi Khoje Hatimare Mae Jiu 42:10 ပူးပေါင်းရင်းမြစ်များ

Nodi Khoje Hatimare Mae Jiu 42:3

Leuleghu fata na nogu naoka iara gre cheke eghu koba ka iara, “Ahevau nou God iagho na?” Aonu iara loku kolho ka natanhi na. Kholodi phei tathagure ngala te jateula ghegu gano teu iara bongi narane na.

Profet Joel 2:17

Ghotilo mae pris te loku ranghini Lord ka sugagna mana ra, ghotilo mala diꞌanagnafa nei tanhi eghu fari hotei grengatha nei olta. Ghotilo tarai eghu ka Mana, “Lord God, kokhoni ghami, thosei snakredi naiknodi keha kantri igre mala cheke fapari ghami nei cheke fadiꞌa ghami eghu. Eigna thofno diꞌa fara te cheke eghu mare na, ‘Aheva gne nomi God ghotilo na?’ ”

Luku 2:35

Naugna mana, ginauna na falalase gaoghatho teke poru ka naikno te gnafare. Eghuteuna iagho themu ginauna na diꞌanagnafamu fara ka unha nate edi ginau re.”

Profet Maeka 7:10

Ka narane tuana, naokare ginauna filodi glepo igre, eghuteuna mare ginauna mamaja fara. Mare mamaja naugna tifa na, mare neke maꞌe eghu ghita, “Ahevau Lord na, nomi God ghotilo ia?” Ghotilo ginauna filoni Lord na uludi nei tapla ka mare, jateula mae ihei te nolo ka nabrou ke lamna chopu ra eghu.

Proveb 12:18

Cheke te diꞌa na churu jateula naflahi fnonu eghu ka thiꞌadi naiknore. Nu cheke te keli na jateula meresin eghu toghodi naiknore.

Nodi Khoje Hatimare Mae Jiu 43:2

God, iagho kaisei vido keli mala fakarhi ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 55:4

Iara mhaghu nogu fara, eigna mhaghu glehe na au ka iara.

Lamentations 5:20

Naugna unha sagho te ghatho iho ghami ghehati fabrahu gnea? Naugna unha sagho te tirou ghami ghehati gnea?