Nodi Khoje Hatimare Mae Jiu 42:1 - Buka Blahi Ka Cheke Holo

¹ God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.

Nodi Khoje Hatimare Mae Jiu 42:1 ပူးပေါင်းရင်းမြစ်များ

Nodi Khoje Hatimare Mae Jiu 119:131

Iara thono magnahaghedi fara nou cheke iagho re, jateula naikno te roi koꞌu te salaꞌui ia eghu.

Nodi Khoje Hatimare Mae Jiu 48:1

Lord te fnakno kligna lahu! Tahati na tei ka nogna thogele blahi God na mala pala hagheni nanghagna mana na kilgna! Tahati na tei ka nogna namono biꞌo God na mala cheke fakelini mana. Nogna thogele blahi God igne au ke raru nei famane fara eghu. God na mae King, eghuteuna nogna thogele blahi mana igne faglealeꞌadi naikno te gnafa ka nauthoglu igne.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 85:1

Lord God, kani au teku ghehati ka nou kantri na tifa ia iagho neke kelitamu fara ka ghehati. Naugna iagho neke togho ghami ghehati naiknomi Israel mala au fakeli.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Nodi Khoje Hatimare Mae Jiu 47:1

Ghotilo naikno ka namono te gnafa ra! Ghotilo kafe proaposa! Koje fabiꞌo balu glealeꞌa nei kilo fnaknoni God.

Nodi Khoje Hatimare Mae Jiu 44:1

God, glepo biꞌo teke edi iagho ranghidi ku'emi ghehati tifara, mare la toutonuhi ka ghehati la nomhidihi ghehati themi.

Nodi Khoje Hatimare Mae Jiu 49:1

Ghotilo naikno ka namono te gnafa ra, ghotilo kafe fanomho! Mae funeira, mae mavitura, mae te dedeira, nei mae te kumara, nei ghotilo te gnafa ka nauthoglu igne ra ghotilo fanomho fakeli ka cheke igne!

Naba 16:32

Glose na ne thofno thora fabiꞌo ke paridi mae Kora, mae Datan ghe mae Abiram ne uka ne tei pari baludi keha mae te phile ka thilomare re, nei gobigna lepo te khotodi mare re.

Naba 16:1

Mae Kora gne, thugna mae Isaha ka vikegna mae Kohat ka vikegna mae Livae. Eghuteuna keha thilo mae eghu te balugna mana na, nanghadire mae Datan, mae Abiram nei mae On. Thilo mae igre jifla mei ka vikegna mae Ruben. Eghuteuna mae Datan ghe mae Abiram gre phei thugna mae Eliab. Eghuteuna mae On na thugna mae Pelet. Mare ne toredi phei gobi glimafulu mae lida mala baludi thedi mala magrini mae Moses.

Naba 26:11

Nu thugna mae Kora re ne theome lehe ka vido tuana.

Eksodas 6:24

Kora ne au thilo thugna nalhaꞌu, Asia, Elikana, nei Abiasaf. Eghuteuna thilo tharakna te mei ke leghudi igre, au nanghadi thiloi igre.

Ululahu Kronikols 6:22

Thugna mae Kohat re igre: Mae Kohat gne neke kmagna mae Abinadab, eghuteuna mae Abinadab gne neke kmagna mae Kora, eghuteuna mae Kora gne neke kmagna mae Asiri.

Nodi Khoje Hatimare Mae Jiu 87:1

Lord neke hohoro nogna namono na ka Thogele blahi Saion.

Nodi Khoje Hatimare Mae Jiu 88:1

Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.