Nodi Khoje Hatimare Mae Jiu 41:9 - Buka Blahi Ka Cheke Holo

⁹ Mae kheragu thofno ba te rouronuni nei ghamu fodu teu iara balugna na, mana jaola tapla fapari ghau iara.

Nodi Khoje Hatimare Mae Jiu 41:9 ပူးပေါင်းရင်းမြစ်များ

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Matiu 26:23

Mae Jisas ne cheke eghu ka mare, “Mae ihei nate titihi ghegna bret na ka dis na balugu iara, mae tuana ngala nate majora ghau iara na.

Profet Jeremaea 20:10

Iara nomhidi naiknore buiburi eghu eigu iara, “Mae profet igne chekedi koba glepo te mhaghudi tahati te au falithui ghita igre. Tahati na kiloni mana ka nangha igne, Namhaghu na Aufalithui Heva Heva! Tahati na tei cheke ka mae biꞌo ra!” Mae kheragu iara gre jaola ofo ghau iara te mala eni iara unha glepo te jafra na ne cheke eghu fabrahu, “Tahati na saosagroni mana mala tangomana tahati te uluni mana na, eghuteuna ke tughu fapulo unha teke edi mana ka tahati ra eghu.”

Thoutonu Eigna Mae Job 19:19

Kheragu iara igre thono tirodi ka iara. Eghuteuna mae iheire te namhadi fara iara re, mare figri tagru ghau iara.

Profet Obadaea 1:7

Eghuteuna keha kantri teke nhaꞌa cheke ghotilo baludi mala togho ghami teku ra ginauna chaichaghi ghami kolho. Mare ginauna gigi ghami ghotilo mala jifla kokoni ghotilo nomi kantri igne. Kantri te loku fodu ghotilo tagna gognaro igne ginauna nake figri ke magra ka ghotilo. Eghuteuna ne kherami keli teu ghotilo te ima fodu baludi igre ginauna fakhale ghami ghotilo ka phighoro, eghuteuna ghotilo ginauna theome tangomana nate rikha na. Eghuteuna mae naoka gre ginauna na cheke eghu, ‘Filo si ghotilo, maedi Idom igre theo kaisei nodi glalase te keli.’

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Thoutonu Eigna Mae Job 19:13

“God chekedi mae kheragu iara re mala au fadelei ka iara. Eghuteuna mae kheragu iara igre tirodi te filo ghau iara na.

Diutronomi 32:15

“Ghotilo iheire te doglo ra neke blokha fara. Ghotilo au ghemi kmana gano fara eghuteuna ghotilo ghamu neke ghilei blokha neke salaꞌui. Eghume ghotilo leghuni puhi te theome doglo na eghuteuna ghotilo tei kokoni God mae ihei teke vuavuha ghami na. Ghotilo figri lao thagrumi re ka God mae ihei nomi vido keli te mala poru ghotilo na.

Nodi Khoje Hatimare Mae Jiu 101:3

Iara theome magnahaghedi puhidi naikno te diꞌare. Iara ginauna na theome au baludi mare.