Nodi Khoje Hatimare Mae Jiu 41:2 - Buka Blahi Ka Cheke Holo

² Lord ginau reireghini nei bara fothini eghu nakarhagna na. Lord ginau toghoni mana mala au fakeli ka namonogna na. Eghuteuna God ginau theome snakreni mana ka khamedi nogna naokare.

Nodi Khoje Hatimare Mae Jiu 41:2 ပူးပေါင်းရင်းမြစ်များ

Nodi Khoje Hatimare Mae Jiu 27:12

Thosei snakre lao ghau ka khamedi nogu naoka gre mala magri ghau ka nodi cheke te chaichaghi nei ka nodi cheke te nheta eghu te famamhagu ghau iara gre.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Nodi Khoje Hatimare Mae Jiu 37:22

Iheire Lord te fablahidire ginauna atha vido glose teke nhaꞌa cheke mana ranghidire. Nu iheire te diꞌatagnadi Lord naugna te leghuni mare puhi te diꞌa na, mana ginau brue fajifladi.

Nodi Khoje Hatimare Mae Jiu 33:19

Mana reireghidi ka glehe nei ka glehe rofo.

Diutronomi 14:29

Ka puhi igne vikegna mae Livae te theo nodi glose igre ginauna tangomana te au ghedi gano na. Eghuteuna jaola naiknodi delei te mei au balumi ghotilo are, nei iheire te glehe kokoi, nei goro naikno biꞌo tela lehehi khetodire teu te au ka namonomi ghotilo are eghu tangomana te kafe mei ka vido igne mala hata gano te nabadi. Jame te eghu ghotilo na, Lord ginauna fablahidi nomi gloku te gnafa ghotilore.”

Thoutonu Eigna Rut 2:19

Aonu, Naomi ne ghusna eghu ka Rut, “Ba? Iagho neke tei atha bali aheva? Ka nagare ihei? God te fablahini ihei te ghatho nigho igne!” Rut ne cheke eghu ka Naomi, “Uve, iara neke tei loku ka nogna nagare mae te kiloi Boas.”

Proveb 11:17

Te kokhoni ni iagho keha naikno na, naikno igne ginauna kokhoni nighola iagho. Nu te goigonini iagho keha naikno na, naikno igne ginauna jaola goigoni nigho iagho.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 31:20

Naꞌa keli ranghidi iheire te kuma, nei toghodi naikno te au kokhonidi.

Profet Jeremaea 39:17

Nu Ebed-Melek, iara ginauna fakarhi nigho ka narane tuana. Iara ginauna theome snakre nigho ka khamedi mae te mhaghudi iagho re.