Nodi Khoje Hatimare Mae Jiu 41:13 - Buka Blahi Ka Cheke Holo

¹³ Tahati cheke fakelini Lord, eigna mana noda God tahati naiknoda Israel. Tahati cheke fakelini mana fabrahu tifa tifa. Amen. Amen.

Nodi Khoje Hatimare Mae Jiu 41:13 ပူးပေါင်းရင်းမြစ်များ

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Nodi Khoje Hatimare Mae Jiu 89:52

Tahati cheke fakelini Lord tifa tifa! Amen! Amen!

Nodi Khoje Hatimare Mae Jiu 106:48

Tahati cheke fakelini Lord, mae ihei te noda God tahati naiknoda Israel! Uve, tahati cheke fakelini mana gognaro gne nei tifa tifa! Ghotilo te hui na cheke eghu, “Amen!” Cheke fakelini Lord!

Nodi Khoje Hatimare Mae Jiu 150:6

Ghotilo gobigna lepo te karha, kilo fnaknoni Lord. Uve, tahati kilo fnaknoni Lord!

Thakle 7:12

ne cheke eghu, “Uve, tutuani! Nomi God, ghehati cheke fakeli nigho nei pala hagheni nanghamu na nei fafnakno nigho. Ghehati cheke fakeli nigho eidi nou gaoghatho te keli nei nou nolaghi te biꞌo nei nou nanheta te au fabrahu tifa tifa. Amen!”

Ululahu Kronikols 29:10

Aonu King Devet ne cheke fakelini Lord ke ulugna mavitu na ne tarai eghu, “Iara cheke fakeli nigho Lord, nogna God mae Israel kuꞌemi ghehati tifa ia. Ghehati ginauna cheke fakeligho fabrahu tifa tifa.

Matiu 6:13

Thosei snakreni kaisei glepo mala mei fariuriu ghami, nu fakarhi ghami kau nogna nolaghi Satan.’

Ululahu Korin 14:16

Nu jame te kilo fnaknoni God ghotilo ka tharungami kolho na, kaisei naikno te majaghani ka khiloau te au balumi ka tharai na ginauna theome laseni unha te chekeni ghotilo na. Mana ginauna theome kaisei gaoghatho ka nomi tharai nei theome tangomana te chekeni “Amen” teu balumi ghotilo na.

Profet Jeremaea 28:6

“Tutuani fara! Iara magnahagheni Lord te eni jateula te chekeni iagho igne teuna! Thofno keli fara jame te eni Lord unha te chekeni iagho igne mala ke atha fapulo glepo gna Sugablahi te au teu Babilonia baludi naikno teke atha fajifladi mare ka namono igne ra.

Ululahu Kronikols 16:36

Tahati cheke fakelini Lord noda God tahati naiknoda Israel! Uve, tahati cheke fakelini mana gognarogne tifa tifa!” Eghuteuna naiknore ne kafe cheke eghu, “Tutuani fara!” ghe “Cheke fakelini Lord!”

Thakle 11:17

Mare ne cheke eghu, “Lord God te thofno nolaghi, ghehati cheke fakeli nigho. Iagho au fabrahu funu tifa nei jaola gognaro. Ghehati cheke fakeli nigho naugna iagho la hatahi nou nolaghi te biꞌo na te mala funei frunidi naikno te gnafare!

Ululahu Kings 1:36

Eghuteuna mae Benaea ne cheke eghu, “Amen! Ghehati magnahagheni nou Lord God te eni unha te chekeni iagho igne.

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!

Nodi Khoje Hatimare Mae Jiu 147:6

Mana togho haghedi iheire te au kokhonidi, nu koko sorudi pari iheire te gnognoro.