Nodi Khoje Hatimare Mae Jiu 41:11 - Buka Blahi Ka Cheke Holo

¹¹ Kate filoni iara te theome tangomana mare te ulu ghau iara na, iara ginauna laseni iagho te keli tamu ka iara na.

Nodi Khoje Hatimare Mae Jiu 41:11 ပူးပေါင်းရင်းမြစ်များ

Kolose 2:15

Mae Kraes neke hata koko fahui nodi nolaghi naitu te gnafa te mala funei fruni na. Ka gaju fafatha na, mae Kraes ne tapla faparidi nei famamajadi eghu mare fara ke uludi naiknore.

Nodi Khoje Hatimare Mae Jiu 124:6

Tahati tegioni Lord, naugna mana ne theome snakredi hatimare mae naoka gre ne mei goigoni ghita tahati.

Profet Jeremaea 20:13

Tahati koje ranghini Lord! Tahati cheke fakelini nanghagna mana! Naugna mana toghodi koba iheire te kuma ka nogna nolaghi mae te diꞌa.

Nodi Khoje Hatimare Mae Jiu 86:17

Lord God, falalase mei sagho te phile iagho ka iara na. Jame te eghu iagho te togho ghau nei farhetani nagnafagu iara gne teu na, naikno teke tirodi ghau iara re ginau thono mamaja nodi fara.

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Nodi Khoje Hatimare Mae Jiu 35:25

Iagho thosei snakredi mare me cheke eghu, “Thofno keli fara! Tahati la ulunihi mana. Ao ngala si glepo teke magnahagheni tahati la!”

Nodi Khoje Hatimare Mae Jiu 31:8

Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Nodi Khoje Hatimare Mae Jiu 13:4

Eghume, nogu naoka iara gre ginauna theome tangomana te cheke eghu na, “La au hila ka khameda tahati si mae gnea.” Iagho thosei snakredi mare mala glealeꞌa te filoni mare te au teu iara ka khamedi mare na.