Nodi Khoje Hatimare Mae Jiu 41:1 - Buka Blahi Ka Cheke Holo

¹ Ihei te ghathoni nei toghoni teu naikno te kuma na, naikno igne thofno keli tagna fara. Lord ginau toghoni mana kate nhotei mana kau hoholo na.

Nodi Khoje Hatimare Mae Jiu 41:1 ပူးပေါင်းရင်းမြစ်များ

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Jemes 2:13

Kau narane fate na God ginauna na theome kokhonidi naikno te theome kokhonidi keha naiknore. Eghuteuna God ginauna na jateula tuana eghu kokhonidi naikno te kokhonidi keha naiknore.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Nodi Khoje Hatimare Mae Jiu 37:19

Ka vido te ninhigrana na mana na theome au diꞌanagnafa. Eghuteuna ka nhigra te theo gano na mana na theome glehe rofo.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Nonomho Te Keli Teke Risoi Mae Mak 14:7

Naikno te kuma gre au fabrahu balumi ghotilo, eghume ghotilo tangomana te mala toghodire nafnata naikno igre ka narane aheva te magnahaghei ghotilo na. Nu iara gne ginauna na theome au fabrahu balumi ghotilo.

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Galesia 2:10

Nu mare tore ghami ngala ghepa mala ghathodi naikno te kuma te au Jerusalem, eghuteuna igne kaisei gloku te magnahaghei eni fara iara na.

Ululahu Tesalonika 5:14

Kheraguro, ghehati tore ghami ghotilo mala cheke fahetadi iheire te thodo loku. Fafranedi iheire te mhaghu. Toghodi iheire te nigra. Thoghei famane cheke ranghidi naikno te gnafa.

Proveb 16:14

Kate diꞌatagna mae te mala baubatu na, mana tangomana te falehe naikno na. Eghume, mae te autagna gaoghatho te keli na mana fariuriu mala kelitagna mae mala baubatu na.

Nodi Khoje Hatimare Mae Jiu 34:19

Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Eklesiasti 12:1

Kate majaghani nga teuna, ghotilo mala ghathoni God mae ihei teke vuavuha ghami ghotilo na. Kate kuekuꞌe ghotilo ginauna, puhi biꞌo na thoke ghami ghotilo, ghotilo na cheke eghu, “Iara theome glealeꞌa ka nakarhagu na.”

Thoutonu Eigna Rut 2:19

Aonu, Naomi ne ghusna eghu ka Rut, “Ba? Iagho neke tei atha bali aheva? Ka nagare ihei? God te fablahini ihei te ghatho nigho igne!” Rut ne cheke eghu ka Naomi, “Uve, iara neke tei loku ka nogna nagare mae te kiloi Boas.”

Profet Jeremaea 39:17

Nu Ebed-Melek, iara ginauna fakarhi nigho ka narane tuana. Iara ginauna theome snakre nigho ka khamedi mae te mhaghudi iagho re.