Nodi Khoje Hatimare Mae Jiu 40:8 - Buka Blahi Ka Cheke Holo

⁸ Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Nodi Khoje Hatimare Mae Jiu 40:8 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 7:22

Ka nagnafagu iara na, iara keli tagu ka nogna vetula God na nei iara magnahaghei te leghuni vetula na.

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Nodi Khoje Hatimare Mae Jiu 119:16

Leuleghu fata na iara keli tagu fara ka nou vetula iagho na, eghuteuna iara ginauna na theome ghatho kokodi nou cheke iagho re.

Profet Jeremaea 15:16

Lord God, iagho mae ihei te au nolaghi fateote'o, iara nou iagho kolho. Kate cheke iagho ka iara na, iara na atha chekemu iagho igne jateula ghegu gano keli eghu. Eghuteuna leuleghu fata na, chekemu iagho igne faglealeꞌa ghau iara fara.

Nodi Khoje Hatimare Mae Jiu 119:24

Iara keli tagu fara ka nou farirhiu iagho ra, naugna nou farirhiu iagho ra jateula kaisei mae te farirhiu ghau iara ka cheke te keli ra eghu.

Nodi Khoje Hatimare Mae Jiu 119:47

Iara keli tagu fara leghudi nou cheke iagho igre, naugna igne unha te thono magnahagheni fara te mala eni iara na.

Nodi Khoje Hatimare Mae Jiu 119:92

Iara thofno keli tagu fara kate ghathoni iara nou vetula iagho na. Eghume, kate para ghau nogu naokare, iara theome nigra nei lehe eghu naugna iara ghatho nigho iagho kolho.

Nodi Khoje Hatimare Mae Jiu 112:1

Tahati kilo fnaknoni Lord! Ihei te ghatho tahuni Lord, nei magnahaghei leghudi nogna vetula Lord re teuna, mae igne keli tagna fara.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Fapea Korin 3:3

Eghuteuna naiknore thofno laseni igne, ghotilo jateula letas teke risoni Kraes hata teke ari ghehati ia eghu. Letas igne Kraes neke theome rioriso ka ink, nu ka Tharunga gna God mae ihei te karha te tifa teke rioriso na. Eghuteuna mana neke theome rioriso ke kligna thina te tataba, nu neke rioriso ke lamna nagnafami ghotilo re.

Thoutonu Eigna Mae Job 23:12

Leuleghu fata na, iara leghudi nogna cheke God te rheta tulao. Uve, iara thofno tajidi nogna cheke mana re ka nagnafagu na.

Letas Teke Riso Tei Mae Pol Ka Khiloau Rom 8:29

Eghuteuna naikno teke vavahi God tifa re, mana jaola magnahaghedi mala nanaba balugna Thugna, mae Jisas Kraes. Ka puhi igne, Thugna God, mae Jisas Kraes na tangomana te au jateula mae teke kulu karha eghu ka hatimare mae thabusigna goro thugna God.