Nodi Khoje Hatimare Mae Jiu 40:6 - Buka Blahi Ka Cheke Holo

⁶ Iagho theome magnahaghei fafara ba toreni kaisei bosu mala gahu ke kligna olta mala hata koko nakhibo. Nu iagho tusu mei khuli ka iara mala tangomana iara te nomhidi nei leghudi teu nou cheke iagho re. Igne unha te magnahaghei iagho te mala eni iara na.

Nodi Khoje Hatimare Mae Jiu 40:6 ပူးပေါင်းရင်းမြစ်များ

Profet Isaia 1:11

Lord neke cheke eghu, “Iara theome magnahaghedi thua nafnata fafara te edi ghotilo ka iara igre. Iara hongo ghau ka sipu te gahu ghotilo te hata te mei ka iara igre, eghuteuna iara jaola tirogudi garofadi nomi sipu ghotilo te blokha are. Iara tirogudi fara dadaradi buluka nalhaꞌudi nei nanigot nei sipu eghu te falelehe ghotilo are.

Ululahu Samuel 15:22

Nu Profet Samuel ne cheke eghu, “Unha te magnahagheni Lord na? Ba, mana magnahaghei nigho iagho te faꞌuveni nogna cheke na, ba, mala eni iagho fafara te thofno krono na? Te faꞌuveni iagho mana na tuana keli fara salaꞌuni fafara na. Te fanomho iagho ka mana na tuana keli fara salaꞌuni garofa gna sipu te fafara na.

Nodi Khoje Hatimare Mae Jiu 51:16

God, jame te gahu buluka iara ke kligna olta te fafara ari ka iagho na, iagho ginauna theome keli tamuni, naugna iagho theome magnahagheni nafnata fafara igne.

Profet Hosia 6:6

Ghotilo fafara buluka ka iara, igne kaisei glepo keli fara, nu iara magnahaghei ghami ghotilo te ghatho tahu ghau iara salaꞌudi fafara buluka te edi ghotilo ra.

Matiu 12:7

Nu ka grioriso te blahi ia God ne cheke eghu, ‘Iara theome magnahaghedi nomi fafara ghotilo re, nu iara magnahaghe ghami ghotilo te kokhonidi nei taji fakelidi teu naiknore.’ Jame laseni ghotilo thofno gaoghathogna cheke igne na, ghotilo jame theome tangomana te fateni naikno te theome huhughuni kaisei phugra cheke ka vetula na.

Profet Emos 5:22

Neuba ghotilo ne gahu buluka, ba sipu mala mei fafara ka iara neu, ba hata mei keha wit mala fafara ka iara neu, iara theome magnahaghedi. Te hata te mei ghotilo buluka te blokhare te fafara ka iara na, iara theome magnahaghedi kolho.

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Profet Isaia 66:3

Nu puhimi ghotilore thono diꞌa fara! Ghotilo edi kolho unha te magnahaghedi themi re, theome leghuni puhigu iara na. Eigna iheire te falehe buluka mala fafara ka iara teuna jateula iheire te falehe naikno mala fafara ka nodi god ra eghu. Iheire te falehe sipu mala fafara teuna jateula iheire te lolhopa graragna khuma na te fafara ka nodi god ra eghu. Iheire te fafara sopho ka iara na jateula iheire te fafara dadara bosu ka nodi god ra eghu. Iheire te gahu insens igre jateula iheire te tarai ka mumuju ra eghu.

Thoutonu Eigna Mae Job 33:16

Mana cheke faꞌikoi ka khulidi re eghuteuna famamhaghudi ka nogna cheke re.

Nodi Khoje Hatimare Mae Jiu 50:8

Iara theome diꞌatagu ka ghotilo eidi fafara teke edi ghotilo ra. Theo. Kate filo ghami iara te gahu koba ghotilo ka khaꞌaghi nomi fafara ra tuare keliu kolho.

Eksodas 21:6

jame te eghu mana na, nogna mae funei na ginauna athani mana tei ka mae mala fate. Mana ginauna fakegrani mana ka grengatha na ba ka khegragna grengathagna vido igne, aonu mana atha nila, eghuteuna mana ei khora ka khuligna na. Aonu mae igne ginauna mala nogna mae gloku mae funei igne fabrahu ka nakarhagna na.

Thoutonu Eigna Mae Job 5:9

God edi glepo te biꞌo te theome tangomana kaisei naikno te lasedi re. Kofubobhoi te edi mana re, theo kaisei naikno te tangomana te kahadi re.

Nodi Khoje Hatimare Mae Jiu 71:15

Iara ginauna cheke edi glepo te doglo teke edi iagho ra, funu hamerane ghilei posa fei grafi. Iara ginauna cheke eigna nou nolaghi iagho te mala fakarhidi naiknore. Neubane theome raꞌe lase fakelidi iara, iara ginauna cheke fajifladi ngala.

Nodi Khoje Hatimare Mae Jiu 139:17

God, iagho au nou kmana soasopai gaoghatho te theome ghatho thokedi iara re.

Nodi Khoje Hatimare Mae Jiu 139:18

Iara theome tangomana te kaha fahuidire, naugna kmana fara jateula nusu eghu. Kate thokeni iara fahuhuigna nakarhagu na, iara ginauna na au balumu iagho.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.