Nodi Khoje Hatimare Mae Jiu 40:4 - Buka Blahi Ka Cheke Holo

⁴ Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.

Nodi Khoje Hatimare Mae Jiu 40:4 ပူးပေါင်းရင်းမြစ်များ

Nodi Khoje Hatimare Mae Jiu 34:8

Ghotilo mei ka Lord mala au balugna mana. Ghotilo ginauna filoni mana. Iheire te mei ka mana re ginauna keli tadi fara naugna mare ginauna laseni Lord te reireghidire.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Profet Jona 2:8

“Iheire te loku maku ka mumuju igre, naikno igre theome ghatho tahu nigho iagho.

Nodi Khoje Hatimare Mae Jiu 15:4

Mana theome mala fofodu ka ihei te tapla jafra ka nakhibo, nu mana mala ghatho tahudi iheire te leghu nigho re. Mana mala edi unha teke nhaꞌa chekedi thegna re, neubane ninhigrana ranghini.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Nodi Khoje Hatimare Mae Jiu 33:3

Koje ranghini mana ka khoje majaghani! Koje fakeli ka gita nei kafe eha fabiꞌo balu glealeꞌa!

Nodi Khoje Hatimare Mae Jiu 71:6

Iara fatutuani nigho fabrahu ka nakarhagu na. Funu ka narane teke karha meigu na ghilei mei posa gognarogne, kaisei iagho ngala te reireghi ghau iara fabrahu na. Eghume iara ginauna cheke fakeli nigho fabrahu.