Nodi Khoje Hatimare Mae Jiu 4:6 - Buka Blahi Ka Cheke Holo

⁶ Lord, kmana naikno tarai eghu, “God filo mei ghami. Ghehati magnahaghei nomi kmana glepo te keli ka iagho.”

Nodi Khoje Hatimare Mae Jiu 4:6 ပူးပေါင်းရင်းမြစ်များ

Nodi Khoje Hatimare Mae Jiu 80:19

Lord God, iagho ngala te au nolaghi na, atha fapulo ghami ka iagho. Uve, kokhoni ghami nei fakarhi ghami eghu ka khamedi mae naoka gre.

Naba 6:26

Lord ginauna au balumi ghotilo mala au ghotilo ka nakarha te keli!’

Nodi Khoje Hatimare Mae Jiu 119:135

Iara nou mae gloku iagho, filo mei nei keli ranghi ghau eghu iara, nei farirhiu ghau nou vetulare eghu.

Nodi Khoje Hatimare Mae Jiu 80:7

God, ke hata fapulo ghami ka iagho. Uve, kokhoni ghami nei fakarhi ghami eghu ghehati sagho ka khamedi mae naoka gre.

Nodi Khoje Hatimare Mae Jiu 89:15

Iheire te koje kilo fnakno nigho iagho gre ngala te glealeꞌa nodi na, naugna iagho ne keli fara ranghidi, nei kaisei phile baludi.

Nodi Khoje Hatimare Mae Jiu 67:1

God, kokhoni ghami, nei fablahi ghami, filo mei ghami nei togho ghami.

Luku 16:19

Mae Jisas ne cheke eghu, “Kaisei fata, kaisei mae te dedei na pipichi pohe keli koba. Eghuteuna mana ghamu gano keli koba leghu narane na.

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Nodi Khoje Hatimare Mae Jiu 39:6

“Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Nodi Khoje Hatimare Mae Jiu 21:6

Iagho fablahini mana fabrahu tifa e tifa. Mana thofno glealeꞌa fara naugna iagho ne au balugna mana.

Jemes 4:13

Fanomho fakeli ghotilo ia. Thosei cheke eghu koba, “Gognaro ba nathuꞌu tahati na tei ka kaisei namono biꞌo mala au jare kaisei finogha. Eghuteuna tahati ginauna na loku heta mala hata sileni biꞌo.”

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Diutronomi 33:19

Ghopa phei vike igre tangomana te toredi keha vike are mala mei loku fodu balumi ghotilo ka vido blahi ka thogele are. Jare ghopa tangomana te gahu thofno fafara re, eghuteuna ghotilo tangomana te ei gaghamu ka gobigna lepo te au ka nomi bisnis ghopa ka thongna nei ka geri thongna.

Profet Malakai 3:3

Eghume mana na jateula tuana eghu na fatedi mae pris igre mala gae, eghuteuna mare ginauna hogri nagnafa mala atha mae pris fafara gano te keli ka puhi te doglo.