Nodi Khoje Hatimare Mae Jiu 4:2 - Buka Blahi Ka Cheke Holo

² Ghotilo naikno ra, niha fata ghotilo nate tapla faparini nanghagu iara na? Niha fata magnahagheidi fabrahu si ghotilo glepo te theo nafudi igrea? Niha fata leghudi si ghotilo puhi te chaichaghi igrea?

Nodi Khoje Hatimare Mae Jiu 4:2 ပူးပေါင်းရင်းမြစ်များ

Proveb 1:22

“Ghotilo iheire te theome au tami gaoghatho te keli ra, ghotilo magnahaghei te au jateula tuana eghu fabrahu? Ghotilo jateula naikno te fameomekro eghu. Ghotilo theome magnahaghei te hata glalase te keli, eghuteuna ghotilo cheke fahaehaghe tagna. Niha nau koko nga ghotilo puhi igne?

Profet Hosia 4:7

Ghotilo mae pris igre la kmana fara, ghotilo la edi kmana nakhibo fara. Eghuteuna nanghami ghotilore la nhudu tongana heva heva ka naiknore. Nu iara ginauna na nhaꞌa fapari ghami ghotilo mala mamaja nomi ghotilo ka naiknore.

Nodi Khoje Hatimare Mae Jiu 3:3

Lord, iagho mala jateula nogu greoreo eghu iara ka hoholo te thoke ghau iara igre. Iagho ngala te loku haghe ghau iara na nei loku fapuloni nagnafagu iara na.

Profet Jeremaea 2:11

Nodi god keha kantri igre theome god tutuani. Nu vike igre theome tughu nodi god re mala leghuni kaisei god majaghani kolho. Nu ghotilo nogu naikno iara igre tughu nomi god majaghani la tei koko ghau iara. Tore! God igre theome tangomana nate togho ghami ghotilo na!”

Nodi Khoje Hatimare Mae Jiu 106:20

Mare neke tughu nodi God te fnakno fara na ka mumuju gna buluka te ghamu buburu na ne tarai tagna. Ka puhi igne mare thofno tapla faparini nanghagna God na.

Nodi Khoje Hatimare Mae Jiu 5:6

Iagho tapla sorudi nafnata naikno te cheke chaichaghi re. Eghuteuna iagho tiroudi naikno te falehe porudi keha naiknore, ba naikno te maomajora.

Efesus 4:25

Eghume te keli na ghotilo lilisei puhi te chaichaghi gne. Eghuteuna unha te chekeni ghotilo ka naikno khiloaure glepo te tutuani na ngala, naugna tahati te gnafa na kaisei ngala ka thinigna Kraes.

Eklesiasti 8:11

Kate theome ghosei te paradi mare naikno te edi puhi te diꞌa re, keha naiknore magnahagheni kolho te eni puhi te diꞌa na.

Ululahu Samuel 12:21

Ghotilo thosei tufru soru ka mumujudi god te chaichaghi are. Naugna god tuare theo nafudi kolho! Eghuteuna reꞌe theome tangomana te togho ghami nei fakarhi ghami teu ghotilo na!

Profet Jona 2:8

“Iheire te loku maku ka mumuju igre, naikno igre theome ghatho tahu nigho iagho.

Profet Jeremaea 9:3

Igne chekegna Lord: “Leuleghu fata na naikno igre jateula mae soldia te tarabana phaloho te mala fada falehe naikno ra eghu. Eghuteuna mare snakredi glapidire mala cheke chaichaghi jateula jata eghu. Naiknogna kantri igne theome cheke kate tutuani. Thono theo fara. Mare edi nafnata puhi te thono diꞌa fara igre, eghume mare theome tangomana te fatutuani ghau iara nodi God.

Profet Isaia 59:4

Theo kaisei ka ghotilo te fate naikno ka puhi te doglo na. Kate tei ka fate na, ghotilo edi thua nafnata cheke chaichaghi fateote'o. Leuleghu fata na, ghotilo leghudi kolho nomi gaoghatho themi te mala goigonidi keha naiknore.

Profet Isaia 45:17

Nu iagho ginauna fakarhi ghami ghehati fabrahu, eghuteuna ghehati ginauna na theome mamaja.

Profet Isaia 20:5

Naiknodi Filistia te gnafa te rouronu ka naiknodi Kus ghe Ijep te mala toghodi, teu igre ginauna thono mhaghu nodi fara balu diꞌanagnafa.

Nodi Khoje Hatimare Mae Jiu 63:11

Nu iara mae King. Iara ginauna keli tagu fara eigna iagho ginauna togho ghau iara mala theome tangomana nogu naoka iara re te ulu ghau iara na. Iheire teke nhaꞌa cheke ka nanghamu iagho re ginauna cheke fakeli nigho iagho, nu iheire te chaichaghire iagho ginau fofotho foflodire.

Nodi Khoje Hatimare Mae Jiu 58:3

Naikno te diꞌare neke tapla jafra fabrahu neke mei ngala funu tifa kani au teku ka thiꞌadi idodire, mare neke cheke chaichaghi neke mei ngala funu karha meidi.

Nodi Khoje Hatimare Mae Jiu 58:1

Ghotilo mae funeira! Ba, tore, ghotilo fatedi naiknore ka puhi te doglo? Ba, ghotilo fatedi naiknore ka nabrou te doglo?

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Nodi Khoje Hatimare Mae Jiu 31:6

Lord, iagho tiroudi iheire te tufru suru ka mumuju te theo nafudi gre. Nu iara fatutuani nigho iagho Lord.

Nodi Khoje Hatimare Mae Jiu 14:6

Naikno te diꞌa puhidire igre loku heta fara mala goigonidi naikno te kuma re. Nu God na ne reireghi fakelidi te kuma igre.

Nodi Khoje Hatimare Mae Jiu 2:1

Naugna unha ne roghe fodu nga naikno igre te mala tapla sorudi God ghe nogna king teke vavahi God? Mare theome tangomana!

Eklesiasti 9:3

Mare te gnafa na ginauna lehe kolho. Igne kaisei glepo te diꞌa te eni ka nauthoglu igne. Eghume kate karha teu mare ka nauthoglu igne, mare fodu salaꞌui ka gaoghatho te diꞌa, nei ka puhi te fameomekro. Ke leghu mare na tei ka namonodi naikno te lehe ra.

Nodi Khoje Hatimare Mae Jiu 72:2

Te keli na iagho funei fruni ghami ghehati ka puhi te doglo, nei fadoglidi puhidi iheire te au ke paridi naikno te diꞌa puhidi gre eghu.

Naba 14:11

Lord ne cheke eghu ka mae Moses, “Niha fata thodo ghau iara si naikno grea? Neubane edi iara kmana khofubobhoi ka tathadi mare re, mare theome ke rouronu kolho ka iara.

Eksodas 10:3

Aonu mae Moses ghe Eron ne leghuni chekegna Lord na ne tei filoni king, ne cheke eghu ka mana, “Nomi Lord God ghehati mae Hibru gre na ne cheke eghu: Ba? Niha fata tirou fanomho nei au fapari nigho themu eghu sagho ia? Snakredi nogu naikno iara gre mala tei pogho soru ghau iara.

Ululahu Korin 1:31

Eghume, tahati laseni gaoghathogna grioriso te blahi te cheke eghu igne, “Mae ihei te magnahaghei fahaehaghe na, mana mala fahaehaghe kolho ka unha teke enihi Lord na.”

Profet Jeremaea 2:5

Lord ne cheke eghu, “Unha neku iara ka kuꞌemi ghotilo tifa ra site tei koko ghau iara ghotilo gnea? Mare neke tarai ka mumuju god te theo nakarha tadi. Eghuteuna mare jateula mumuju god teke sari thedi tura neku neke jaola neke theo nafudi kolho.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Mae Khuru 24:9

Keha mae Jiu kaisei gaoghatho ne toghoni mae Tetelas ne kafe cheke eghu, “Glepo te chekedi mana tuare thofno tutuani fara.”