Nodi Khoje Hatimare Mae Jiu 39:6 - Buka Blahi Ka Cheke Holo

⁶ “Nakarhagna naikno na jateula naungo gaju eghu kolho. Gobigna lepo te magnahaghei mana te loku brana di mana re na ari theo nafudi kolho. Eghuteuna unha te salo fodu mana malagna thegna teure tahati theome laseni ihei nate khotodi ginau re.

Nodi Khoje Hatimare Mae Jiu 39:6 ပူးပေါင်းရင်းမြစ်များ

Eklesiasti 2:26

Leuleghu narane na God tusu lao gaoghatho te keli nei glalase eghu ka iheire te leghuni manare, mala jaola glealeꞌa mare. Nu God tusu lao gaoghatho ka naikno te diꞌa re mala loku heta mala hata kmana glepo te keli nei dedei. Eghuteuna keha narane ke leghu, glepo igre tangomana te tei toghodi naikno te keli re. Puhi igne jaola theo nafugna ka gaoghathogu iara na. Eigna igne jateula mae ihei te ngolho leghu ka nuri na ia eghu kolho.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 5:14

Nu ke leghu na, nogna bisnis mana igne ginauna luvu, eghuteuna nogna sileni mana igre ginauna jaola dofidi. Aonu theo kaisei sileni nate salaꞌui maladi thugnare.

Ululahu Pita 5:7

Ghotilo lisa lao ka khamegna mana puhi biꞌo fateo te nanga nomidi ghotilo re, naugna mana tangomana te reireghi fakeli ghami ghotilo na.

Luku 12:29

Thosei nanga nomi fara nei ghathoni fabrahu eghu eigna unha nate ghamu ghotilo na, ba unha nate koꞌu ghotilo na.

Profet Isaia 55:2

Naugna unha si ghotilo te fiti koko sileni ka glepo te mala theome ghamu gnea? Naugna unha si ghotilo te loku heta ka thuagna nafnata glepo, nu rofo kolho teugnea? Ghotilo te gnafa na, fanomho mei ka iara, eghuteuna ghotilo eni unha te chekeni iara igne! Jame te eni ghotilo igne na, ghotilo ginauna glealeꞌa fara, jateula te ima famane gano te keli ra eghu.

Eklesiasti 12:8

Mae glalase igne neke cheke eghu, “Gobigna lepo fateote'o ka nauthoglu na igre theo nafudi kolho! Uve, theo nafudi tutuani fara, nakarhada tahati na jateula mae ihei te ngolho leghu ka nuria na ia eghu kolho.”

Eklesiasti 2:8

Iara neke hata nodi silva nei gol, nei dedei ka hatimare mae king nei ka provins te gnafa te funei frunidi iara igre. Iara au nogu gaꞌase nei nalhaꞌu eghu te mala koje ranghi ghau te mala glealeꞌa na. Eghuteuna iara jaola au kmana gaꞌase mala glealeꞌa nogu jateula te edi keha mae are eghu.

Eklesiasti 1:14

Iara la filodihi gobigna lepo teke edi ka nauthoglu igne, nu unha te chekeni iara na, gobigna lepo igre theome nanaba ka gaoghathoda tahati re. Tahati jateula te ngolho leghu ka nuri ia eghu kolho.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Nodi Khoje Hatimare Mae Jiu 127:2

Thono theo nafuda kolho tahati te nangani kolho nakarhada theda na, te loku hetani gano na kolho funu hamerane boibongi te ghilei rafi na. Naugna Lord ngala nate togho ghita ginauna ka unha te nabada tahati na, neuba ne loku heta ba thuru iho eghu tahati.

Ululahu Pita 1:24

Grioriso te blahi na ne cheke eghu, “Naikno te gnafare jateula buburu eghu kolho, eghuteuna nodi nafnaknore jateula chechenge gaju eghu kolho. Te lehe buburu na, chechenge ginauna na brusu.

Proveb 27:24

naugna glepo igre tangomana te mala mae dedei iagho na, nu dedei nei nafnakno teu igre theome tangomana te au raugha na.

Proveb 23:5

Dedei tuare ginauna kmeri tatha kolho tei dofidi jateula nanghaji te flalo te tei nogna ia eghu.

Thoutonu Eigna Mae Job 7:7

“God, iagho ghatho meini nakarhagu iara gne. Nakarhagu iara na jateula katha nuri ikoi eghu kolho. Jau iara ginauna na theome filoni kaisei glepo te keli.

Thoutonu Eigna Mae Job 7:16

Iara theome magnahaghei te karha teuna. Iara tiroguni kolho nakarha na. Iagho thosei nanga ghau iara, naugna nakarhagu iara na theo nafugna kolho.

Thoutonu Eigna Mae Job 14:1

“Naikno na karha ka gaꞌase, nakarhagna na sokmo fara, eghuteuna mana au ke lamna kmana puhi biꞌo.

Nodi Khoje Hatimare Mae Jiu 89:48

Ihei gne nate karha fabrahu te theome lehe na? Tore, theo kaisei naikno nate rikha kokoni u glehe na.

Nodi Khoje Hatimare Mae Jiu 144:4

Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Eklesiasti 11:10

Nomi narane te mala majaghani teu ghotilo na theome brahu. Jateula glepo te theo nafudi ra eghu kolho. Eghume ghotilo thosei nanga nomi ka puhi biꞌo nate thoke ghami ghotilo are. Eghuteuna ghotilo thosei leghudi puhi nate fakabrudi thinimi are.

Luku 12:26

Te theome edi ghotilo glepo te ikodi igre na, mala unha si ghotilo te nanga nomidi fara eidi glepo te biꞌo igrea?