Nodi Khoje Hatimare Mae Jiu 39:5 - Buka Blahi Ka Cheke Holo

⁵ Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Nodi Khoje Hatimare Mae Jiu 39:5 ပူးပေါင်းရင်းမြစ်များ

Nodi Khoje Hatimare Mae Jiu 144:4

Nakarhadi naikno igre jateula nuri ikoi eghu kolho gaghafa mei katha vido kmo'ei nu kela huila teura eghu kolho. Uve, mare jateula naungo te chari sala'ura eghu kolho.

Nodi Khoje Hatimare Mae Jiu 89:47

Ghatho mei ghau iara sagho. Iara gne khogla naikno kolho, eghuteuna nakarhagu iara na theome brahu kolho. Iagho neke vuavuha ghami ghehati mala karha neku, eghuteuna ke leghu na ghehati ginauna mala kafe lehe kolho.

Nodi Khoje Hatimare Mae Jiu 62:9

Naikno gre jateula nuinuri te jifla mei ka foflogna naikno na nu tei la dofini la teu ia eghu kolho. Naikno te fnakno nei fiti naikno kolho teugre kaisei nanaba ngala, kafe theo nafudi kolho ka tathagna God. Jame fagefe haghedi ghotilo ka skel meuna, mare na jateula nuri eghu theome tahu kolho.

Eklesiasti 2:11

Nu kate ghathodi iara unha te edi nei loku branadi teu iara igre na, iara haimini ka glamnagu na, unha te edi nei loku branadi teu iara igre theo nafudi kolho. Iara jateula mae ihei te ngolho leghu ka nuri ia eghu kolho. Iara theome filoni kolho kaisei glepo te keli tagna.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Thoutonu Eigna Mae Job 7:6

Nakarhagu iara na ghosei tei salaꞌu jateula khoꞌu te britha ra eghu. Namo tei dofini naugna glepo theo nafugna kolho.”

Profet Isaia 40:17

Ka tathagna God na kantri te gnafa ka nauthoglu na igre jateula te theo nafudi eghu kolho. Uve, ka mana na, naikno te gnafa gre jateula glepo te theo nafudi kolho tutuani fara.

Eklesiasti 1:2

Mae glalase igne neke cheke eghu, “Gobigna lepo fateote'o te ghathodi tahati ka nauthoglu igne firi ka gaoghathoda tahati gre! Uve, tutuani fara te fariuriu mala lasedi glepo igre teu tahati na jateula mae te ngolho leghu ka nuri ra eghu kolho.”

Jenesis 47:9

Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Fapea Pita 3:8

Uve kheraguro, kaisei glepo ngala te mala ghatho tahuni ghotilo na. Ka gaoghathogna noda Lord na, kaisei narane na jateula kaisei thogha finogha eghu, eghuteuna kaisei thogha finogha na jateula kaisei narane eghu ka gaoghathogna Lord na.

Fapea Samuel 19:34

Nu mae Basilae ne cheke eghu ka mae Devet, “King, iara ginauna na theome karha raugha. Iara theome naba te ari balumu iagho Jerusalem.

Nodi Khoje Hatimare Mae Jiu 90:12

Falase meini sagho mala laseni ghehati te kmoꞌe kolho nakarhami gne, mala gaoghatho fakelini ghehati eigna nakarhami na.