Nodi Khoje Hatimare Mae Jiu 39:13 - Buka Blahi Ka Cheke Holo

¹³ Ame lehe nga iara me dofi ghau ka nauthoglu igne teuna lisa lao ghau mala ke keligu iara nagnafagu na. Iara tore nigho mala thosei para ghau iara.”

Nodi Khoje Hatimare Mae Jiu 39:13 ပူးပေါင်းရင်းမြစ်များ

Thoutonu Eigna Mae Job 7:19

Iagho tei fadelei katha vido ikoi ka iara, mala ke phanga fakeli ghu iara.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 5:24

Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Jenesis 47:9

Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Levitikas 25:23

“Jame kaisei ka ghotilo magnahaghei sabiri nogna glose na ka keha mae, mana ginauna thosei sabiri fahui, naugna glose igne theome nogna mana, nu nogu iara Lord. Iara neke tusu ari ka ghotilo mala loku ghotilo, nu ghotilo jateula naikno phosa te au katha vido kolho ka glose igne eghu.

Fapea Kings 20:3

“Lord, ghatho mei ghau. Iara loku ranghi nigho iagho ka nogu nolaghi fateote'o nei ka gaoghathogu fateote'o, eghuteuna iara fariuriu mala edi gobigna lepo te magnahaghedi iagho re.” Eghuteuna mana ne funu tanhi fabiꞌo.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Nodi Khoje Hatimare Mae Jiu 18:7

Gognaro na God ne thono diꞌatagna fara ka nogu naoka iara re. Aonu mana ne fakheuni glose na, eghuteuna thogele te gnafa re ne kafe nghali tongana.

Nodi Khoje Hatimare Mae Jiu 119:19

Iara gne au ka nauthoglu igne katha vido kmo'ei kolho, eghume iagho falase mei ranghi ghau chekemu iagho re.