Nodi Khoje Hatimare Mae Jiu 39:12 - Buka Blahi Ka Cheke Holo

¹² “Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Nodi Khoje Hatimare Mae Jiu 39:12 ပူးပေါင်းရင်းမြစ်များ

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Hibru 11:13

Naikno te gnafa tifa igre fatutuani ni God neke ghilei lehe. Kate au ka nauthoglu igne, mare neke theome hata gobigna lepo God teke nhaꞌa cheke ranghidi. Mare jateula te kegra teu delei te filo lao eghu kolho, eghuteuna mare gleꞌani unha nate thoke mei ginauna. Mare ne cheke eghu, “Ghehati jateula mae phosa eghu kolho kau nauthoglu igne.”

Nodi Khoje Hatimare Mae Jiu 119:19

Iara gne au ka nauthoglu igne katha vido kmo'ei kolho, eghume iagho falase mei ranghi ghau chekemu iagho re.

Levitikas 25:23

“Jame kaisei ka ghotilo magnahaghei sabiri nogna glose na ka keha mae, mana ginauna thosei sabiri fahui, naugna glose igne theome nogna mana, nu nogu iara Lord. Iara neke tusu ari ka ghotilo mala loku ghotilo, nu ghotilo jateula naikno phosa te au katha vido kolho ka glose igne eghu.

Jenesis 47:9

Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Ululahu Pita 1:17

Kate tarai na ghotilo tangomana te kiloni God, Mama. Tutuani fara, kate fatedi naikno te gnafare, God ginauna theome tangomana te vahini ihei na, nu mana ginauna ghathoni eigna nogna gloku soasopai naikno na. Eghume kate karha nga teu ka nauthoglu igne, ghotilo mala ghatho tahuni God leghu fata.

Nodi Khoje Hatimare Mae Jiu 56:8

Iagho laseni puhi biꞌo te au ka iara igne. Iara gne au diꞌanagnafa nei tanhi eghu nogu fara. Uve, iagho neke ghathoni igne neke kulu riorisonihi ka nou buka na.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Fapea Kings 20:5

Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Nodi Khoje Hatimare Mae Jiu 116:3

Iara neke namo lehe kate thoke ghau hoholo te biꞌo na. Naugna igne iara thono mhaghu nogu fara nei nanga nogu fara eghu.

Thoutonu Eigna Mae Job 16:20

Mana togho ghau iara eghuteuna mana mae kheragu iara ka narane te oro soru kholodi phei tathagu iara gre, naugna iara tanhi fara ka God.

Fapea Samuel 16:12

Jau Lord na lasedihi puhi te diꞌa te au ka iara igre, eghuteuna mana ginauna edi glepo te keli ka iara mala ke tughu fapulo puhi te cheke fadiꞌa ghau iara mana igre.”

Fapea Korin 5:6

Eghume tahati theome nanga noda kolho, neuba unha ne eni ranghini ghita. Eigna nakarhada tahati na u nakarha fatutuani, theome leghuni unha te filodi tahatire. Naugna tahati laseni te au teu tahati ke lamnadi u thini igre, tahati theome thofno namo ka Lord ka vido aheva te au mana na.

Nodi Khoje Hatimare Mae Jiu 102:1

Lord God, fanomho mei ka nogu tharai iara gne, nei fanomhi meini nogu natanhi gne mala togho ghau.

Nodi Khoje Hatimare Mae Jiu 119:54

Kate au teu iara katha vido kmo'ei kolho kau nauthoglu igne na, iara koje fabrahu eidi nou vetula iagho re.

Jenesis 21:34

Mae Ebraham ne au fabrahu jare ka namono Filistia.

Thoutonu Eigna Mae Job 13:28

“Eghume te haimini iara na, iara jateula mae tela diꞌa te jateula kaisei nabreku pohe te boto, ba jateula pohe te ghamu khokorosi ra eghu.”

Nodi Khoje Hatimare Mae Jiu 90:9

Kate diꞌatamu na, iagho fakmoꞌei arini kolho naranemi ghehati te mala au ka nauthoglu igne na. Uve, ghehati ghosei lehe kolho jateula vido gaghafa te mei nei ghosei me salaꞌu ari teu ia eghu kolho.