Nodi Khoje Hatimare Mae Jiu 39:1 - Buka Blahi Ka Cheke Holo

¹ Te chekeni iara na, iara ginauna na reireghi fakelidi unha te edi iara re. Na eghu nu cheke fadiꞌa iara ka nogu chekere eghu. Kate au teu mae te diꞌare rhegui na, iara ginauna na theome gagri kaisei cheke.

Nodi Khoje Hatimare Mae Jiu 39:1 ပူးပေါင်းရင်းမြစ်များ

Proveb 21:23

Ihei te ghaoghatho fakeli ka nogna cheke na barani thegna ka puhi biꞌo.

Nodi Khoje Hatimare Mae Jiu 141:3

Lord God, fadoglidi nogu cheke fateote'o gre.

Jemes 1:26

Mae ihei la naikno khiloau hi thegna teu ka gaoghathogna na nu theome saghe leghu fakelini nogna cheke na teuna, mana chaghini kolho thegna nei nogna fatutuani mana na theo nafudi kolho.

Nodi Khoje Hatimare Mae Jiu 119:9

Lord God, hatimare mae majaghani gre mala leghudi nou cheke iagho re, mala tangomana mare te mala thofno tajidi thofno nakarhadire.

Nodi Khoje Hatimare Mae Jiu 34:13

mana thosei cheke diꞌa nei chaichaghi eghu.

Hibru 2:1

Eghume tahati famane leghu fakelidi nogna farirhiu mae Jisas Kraes Thugna God teke nomhidi tahati ra, mala thosei jateula mola te elo tafri ka nuri ia eghu noda fatutuani na.

Proveb 18:21

Glapi na tangomana te falehe nigho ba fakarhi nigho. Nu jame te reireghi fakelini iagho glapimu na, iagho ginauna na theome lehe.

Ululahu Kings 2:4

Jame te leghuni iagho Lord na, mana ginauna eni unha teke nhaꞌa chekeni ka iara tifa ia. Mana neke cheke eghu ka iara, ‘Jame thofno leghu ghau iara fabrahu iheire te karha mei ka vikemu iagho igre ka nakarhadi nei gaoghathodi teure meuna, leuleghu fata na kaisei ka mare ginauna mala king gna Israel.’

Kolose 4:5

Ghotilo filo fakeli ka naꞌaumi baludi naikno te theome fatutuani ni mae Kraes are mala ghaoghatho fakeli kate toutonu baludire eghu.

Nodi Khoje Hatimare Mae Jiu 12:4

“Ghehati ginauna na chekedi unha te magnahaghedi themire, eghuteuna naiknore ginauna leghudi unha te chekedi ghehati re. Naugna foflomi gre thono heta fara. Theo ihei nga te fothi ghami na.”

Nodi Khoje Hatimare Mae Jiu 62:1

Leuleghu fata na iara fatutuani ka kaisei God ngala. Eigna kaisei mana ngala te tangomana nate ke hata fapulo ghau iara te mala karha iara na.

Thoutonu Eigna Mae Job 2:10

Nu Job ne cheke eghu, “Iagho thosei cheke fameomekro jateula tuana eghu! Kate tusu mei God glepo te keli ka tahati na, tahati kelitada kate hata na. Naugna unha site khuru cheke tahati kate tusu mei mana puhi biꞌo ka tahati grea?” Neuba puhi biꞌo te diꞌa fateote'o igre ne thokeni Job, Job theome cheke diꞌa.

Nodi Khoje Hatimare Mae Jiu 77:1

Iara tanhi fabiꞌo ka God. Iara magnahagheni mana te nomhidi nogu tharai re.

Fapea Kings 10:31

Nu King Jehu neke theome thofno leghu fakelidi nogna vetula Lord, nodi God mae Israel. Mana theome koko puhigna King Jeroboam te diꞌa tifa ra, eghuteuna mana neke batudi naiknodi Israel mala pogho soru ka phia mumuju buluka nalhaꞌudi igre.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Ululahu Kronikols 16:41

Eghuteuna mae Devet ne vahidi mae Heman ghe mae Jedutun, nei keha mae teke vavahi hatimare mae pris, mae igre mala toghodi hatimare mae pris mala cheke fakelini Lord nei mala cheke eghu, “Tahati tegioni Lord, naugna mana ghatho tahu ghita fabrahu!”