Nodi Khoje Hatimare Mae Jiu 38:6 - Buka Blahi Ka Cheke Holo

⁶ Iara theome tangomana te kegra haghe na, naugna nakhibo gre ne bukri soru ghau iara. Leuleghu narane na iara tanhi nei diꞌanagnafa eghu kolho funu hamerane na ghilei bongi.

Nodi Khoje Hatimare Mae Jiu 38:6 ပူးပေါင်းရင်းမြစ်များ

Thoutonu Eigna Mae Job 30:28

Leuleghu fata na tathagu foflogu re romno soru, jateula te au teu ke lamna gluma te romno ra eghu. Iara kegra farihoteidi naikno te khapru teu jare, ne tanhi mala togho ghau.

Nodi Khoje Hatimare Mae Jiu 35:14

Eghume iara tanhidi mare jateula teke kheragu nei thabusigu eghu thegu. Iara nonolo tafri balu diꞌanagnafa nei tanhi eghu. Jateula tela lehehi idogu ra eghu kolho.

Nodi Khoje Hatimare Mae Jiu 42:9

God, iagho bara fothidi koba nogu naoka iara re mala thosei mei mare mala magri ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 43:2

God, iagho kaisei vido keli mala fakarhi ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 145:14

Leuleghu fata na mana toghodi iheire te au ka hoholo nei farerheta gaoghathodi iheire te nigra.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Nodi Khoje Hatimare Mae Jiu 57:6

Nogu naoka iara gre mare lilisei kaisei fangna mala fakhale ghau iara teuna, eghume iara gne thofno au diꞌanagnafa fara. Hatimare dokha kaisei khora ka nabrou na mala snoꞌo iara teuna. Nu iara theome snoꞌo kolho tagna eghu, mare thedi nga kolho teke snoꞌo tagna na.

Nodi Khoje Hatimare Mae Jiu 31:10

Diꞌanagnafa te eni iara gne fakmoꞌeni nakarhagu iara na. Iara tanhi nogu fara, eghuteuna iara theome nabagu te au faraugha na. Nanhetagure la hui, eghuteuna nhubragure la jaola salha hi.

Nodi Khoje Hatimare Mae Jiu 6:6

Iara eha la eha la ghilei glaꞌe soru nogu. Leuleghu bongi na iara tanhi nogu fabrahu kolho. Nogu sape na la ghilei bothu ka kholodi tathagure. Nogu kokhogu na la jaola la bothu ka kholodi tathagure.

Profet Isaia 38:14

Iara kabru ghegu fara ne tanhi fabiꞌo. Nu nogu natanhi iara igne, jateula te tanhi balhu ra eghu kolho. Eghuteuna kate filo haghe iara kligna na, tathagure jaola kabru. Lord, togho ghau! Hoholo thoke ghau iara.”

Thoutonu Eigna Mae Job 7:5

Kmana thubu thafru ka thinigu iara na, eghuteuna siosilo gna glango na fodu ka thubugu iara na. Kmana thona thafru ka thubugu iara igre. Eghuteuna kmana glotho jaola jifla mei ka thubu igre.

Nodi Khoje Hatimare Mae Jiu 107:17

Keha ka tahati fogra ne au papara fara, naugna mare ne meomekro fara ne edi puhi te diꞌare.