Nodi Khoje Hatimare Mae Jiu 38:14 - Buka Blahi Ka Cheke Holo

¹⁴ Iara jateula kaisei mae te iho cheke tughu ra neu ne theome cheke fapulo ka mare. Naugna iara ne megli fara.

Nodi Khoje Hatimare Mae Jiu 38:14 ပူးပေါင်းရင်းမြစ်များ

Jone 8:6

Mare cheke igre khogla saosagroni kolho mae Jisas, mala cheke jafra mana nu athini mana ka fate eghu kolho. Nu mae Jisas theome cheke ne pogho soru ne rioriso ka thagru glose na, ka geghesu thegna na.

Profet Emos 5:13

Ka narane te edi naiknore nafnata puhi te diꞌa igre, ghotilo mae te lalase ra au kmu kolho theome ghagri kaisei cheke ka mare.

Profet Maeka 7:5

Ghotilo mala thosei rouronuni kaisei naikno neubane thofno kheramu ba khetomu. Ghotilo mala faghuai eghu ka cheke te chekedi ghotilo ka khetomi gaꞌase ba khetomi nalhaꞌu te thofno namhadi fara, naugna ghotilo jaola theome rouronudi nafnata naikno igre.

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.